लमजुङ । विश्व शान्तिको कामना गर्दै लमजुङमा खुला म्याराथन प्रतियोगिता हुने भएको छ । लमजुङ जेसीस–२०२५ ले चैत २३ गते चैतेदशैंका दिन खुला म्याराथन प्रतियोगिता आयोजना गर्न लागेको हो ।
२६ किलोमिटर दुरीको म्याराथन प्रतियोगिता लमजुङको बेसीसहर नगरपालिका–१० पिसहिलदेखि मस्र्याङ्दी गाउँपालिकाका केही भाग हुँदै वडा नं. ३ को गाउँसहर दरबार पुगेर टुङ्गिने लमजुङ जेसीस–२०२५ का अध्यक्ष प्रतिजंग तामाङले जानकारी दिनुभयो ।
“धार्मिक तथा पर्यटकीय सौन्दर्यले भरिपूर्ण पिसहिल र गाउँसहर दरबारलाई म्याराथनका माध्यमले देश विदेशमा चिनाउन प्रतियोगिताको आयोजना गरिएको हो”, अध्यक्ष तामाङले भन्नुभयो । धावकहरु पिसहिलदेखि भुष्मे, हात्तिरुख, सिम्पानी, बेसीसहर हुँदै गाउँसहर दरबार पुग्नेछन् । यो प्रतियोगिताले पिसहिलको द्धन्दकालिन र गाउँसहर दरबारको ऐतिहाँसिक पक्षको उजागर गर्न सहयोग पुग्ने जेसीस–२०२५ को कार्यकारिणी उपाध्यक्ष खुसीमाया गुरुङले बताउनुभयो ।
प्रतियोगितामा प्रथम हुनेलाई नगद तीस हजार, मेडल र प्रमाणपत्र, द्धितिय हुनेलाई नगद पन्ध्र हजार, मेडल र प्रमाणपत्र र सान्त्वना स्वरुप आठ जनालाई एक÷एक हजार रुपियाँ दिइने म्याराथन संयोजक तुल्सी गुरुङले जानकारी दिनुभयो ।
जेसीसले चैत ९ गते विश्व जल दिवसको अबसरमा साइकल ¥याली आयोजना गर्ने भएको छ । सुन्दरबजारदेखि बेसीसहरहुँदै भुलभुले पुगेर पुनः बेसीसहर फर्कनेगरि साइकल ¥याली गरिने संयोजक हरिबहादुर घिमिरेले जानकारी दिनुभयो । करिब ४० किलोमिटरको साइकल ¥यालीमा पचास जना भन्दा बढीको सहभागिता हुने आयोजकले जनाएको छ ।
साइकल ¥यालीले जल संरक्षण, ग्लेश्यिर संरक्षण, स्वच्छ पानीको दिगो उपयोग, वातावरण मैत्री यातायातको प्रवद्र्धन तथा सार्वजनिक रुपमा चेतना अभिबृद्धि गर्ने उदेश्य लिएको जेसीस लमजुङका रोशन खतिवडाले बताउनुभयो ।
