लमजुङ । सदरमुकाम बेसीसहरमा जारी प्रथम लमजुङ खेलकुद तथा सांस्कृतिक महोत्सवमा आयोजित आमा समूह सामुहिक नृत्य प्रतियोगितामा बेसीशहर नगरपालिका–७ को शान्ति टोल तमू समाज प्रथम भएको छ ।
प्रतियोगितामा सुन्दरबजार नगरपालिका–७ को दिदीवहिनी कृषक समूह द्धितिय र दोर्दी गाउँपालिका–८ को दोर्दी आमा समूह तृतिय भएका छन् । यसैगरी बेसीशहर–७ को मनाङ्गेचौतारा तमू समाज र दोर्दी–८ को बुद्धमिलन आमा समूह सान्त्वना भएका छन् । नृत्य प्रतियोगितामा ११ समूहले सहभागिता जनाएको आयोजक जिल्ला खेलकुँद विकास समितिका अध्यक्ष योगबहादुर गुरुङले जानकारी दिनुभयो ।
प्रतियोगितामा प्रथमलाई तिस हजार, द्धितिय पुरस्कार विस हजार, तृतीय पुरस्कार दश हजार र सान्तवना पुरस्कार पाँच÷पाँच हजार र प्रमाणपत्र पाउनेछ । विजेता समूहलाई १८ गते महोत्सव समापनको दिन पुरस्कार वितरण गरिने महोत्सव आयोजक समितिले जनाएको छ ।
सहजी खेलमैदानको लागि जग्गा खरीद गर्न आर्थिक सकंलन गर्ने उदेश्यले खेलकुद तथा सांस्कृतिक महोत्सव सञ्चालन भैरहेको छ । फागुन ६ गतेदेखि सुरु भएको महोत्सव १८ गतेसम्म सञ्चालन हुनेछ ।
महोत्सवमा जिल्ला खेलतर्फ जिल्ला स्तरिय महिला र पुरुष भलिबल, विद्यालयस्तरीय कराँते प्रतियोगिता, स्नुकर र छेलो प्रतियोगिता सम्पन्न भएको छ । महोत्सवमा दैनिक राष्ट्रिय तथा स्थानीय कलाकारहरुको प्रस्तुती रहदै आएको छ ।
