लमजुङ । संघीय मामिला तथा सामान्य प्रशासन मन्त्रालयले गरेको स्थानीय तह संस्थागत क्षमता स्वमूल्यांकन (लिजा) मा मर्स्याङ्दी गाउँपालिकाले सबैभन्दा बढी अंक प्राप्त गर्दै उत्कृष्ट बनेको छ ।
लमजुङका ८ वटा पालिकामध्ये मर्स्याङ्दी गाउँपालिकाले सबैभन्दा बढी अंक प्राप्त गर्दै उत्कृष्ट बनेको हाे ।
आर्थिक वर्ष २०७९/०८० स्थानीय तह संस्थागत क्षमता स्वमूल्यांकन नतिजाअनुसार मर्स्याङ्दी गाउँपालिकाले ७५ दशमलव ५० अंक प्राप्त गरेको हो । मन्त्रालयले बिहीबार प्रकाशित गरेको सूचनाअनुसार बेंसीसहर नगरपालिकाले ७१ दशमलव ५० अंक, राइनास नगरपालिकाले ७१ र सुन्दरबजार नगरपालिकाले ७० दशमलव २५ अंक प्राप्त गरेको छ ।
दोर्दी गाउँपालिकाले ६२ दशमलव ७५ अंक, क्व्होलासोथार गाउँपालिकाले ६० दशमलव ५०, दूधपोखरी गाउँपालिकाले ४८ दशमलव २५ अंक र सबैभन्दा कम मध्यनेपाल नगरपालिकाले ४६ दशमलव ५० अंक प्राप्त गरेको छ ।
मन्त्रालयले प्रशासकीय प्रबन्ध, संगठन तथा प्रशासन, वार्षिक बजेट टथा योजना तर्जुमा व्यवस्थापन, वित्तीय एवं आर्थिक व्यवस्थापन, सेवा प्रवाह, न्याययिक कार्य सम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद् व्यवस्थापन, सहकार्य र समन्वय गरी १० वटा सूचक बनाएर स्थानीय तहको स्वमूल्यांकन नतिजा प्रकाशित गर्दै आएको छ ।
लमजुङमा सवैभन्दा बढी अंक प्राप्त गरेको मर्स्याङ्दी गाउँपालिकाले शासकीय प्रबन्ध, सामाजिक समावेशीकरण र संरक्षण तथा विपद् व्यवस्थापनमा अन्य ७ वटा पालिकाभन्दा बढी अंक प्राप्त गरेको छ ।
मर्स्याङ्दी गाउँपालिका अध्यक्ष अर्जुन गुरुङले जनप्रतिनिधि र कर्मचारीको मिहिनेतबाट जिल्लामा सबैभन्दा बढी अंक प्राप्त गर्न सफल भएको बताए ।
फुटबलर दिपेशको प्रशिक्षणलाई जुट्यो आर्थिक सहयोग
लमजुङ । नेपाली राष्ट्रिय टिमको अन्डर–१३ फुटवल खेलाडी दिपेश गुरुङलाई लमजुङ सेवा समिति हङकङले आर्थिक सहयोग गरेको छ ।...
