लमजुङ । लमजुङको वेसीशहर नगरपालिका- ७ का वडाध्यक्ष ऋषि बस्नेतले लमजुङ जिल्ला अस्पतालका डा. सन्दीप अधिकारीलाई हातपात गरेका छन् ।
वडाध्यक्ष बस्नेतले गएराति अस्पतालमै डा. अधिकारीमाथि हातपात गरेको जिल्ला प्रहरी कार्यालय लमजुङका सूचना अधिकारी थानेश्वर चपाईंले जानकारी दिए ।
डाक्टरसँगको विवादपछि वडाध्यक्षले मुक्का प्रहार गरेको चपाईंले बताए । ‘वडाध्यक्षज्यूले आमालाई उपचारका लागि अस्पताल लैजानुभएको रहेछ, उपचारका क्रममा विवाद हुँदा उहाँले डाक्टरलाई मोबाइलले प्रहार गर्नुभएको रहेछ, मापसे पनि गर्नुभएको रहेछ, मुक्का पनि प्रहार भएको भनेर डाक्टरहरुले भन्नुभएको छ,’ उनले भने ।
घटना मिलाउन बिहानैदेखि छलफल भएको थियो । तर, मिल्न नसकेपछि डाक्टरहरुले उजुरी दर्ता गराएका लमजुङ प्रहरीका सूचना अधिकारी चपाईंले बताए ।
आमाको उपचारका लागि अस्पताल पुगेका वडाअध्यक्ष बस्नेतलाई बिरामी भर्नाका लागि मञ्जुरी नामा गर्न सुझाव दिँदा, उनले मञ्जुरीनामा गर्न इन्कार गरेका थिए । सोही क्रममा यसै विषयमा विवाद हुुँदा ड्युटीमा खटिएका डाक्टरमाथि वडाअध्यक्ष बस्नेतद्वारा हातपात भएको लमजुङ अस्पतालका मेसु (मेडिकल सुपरिटेडेन्ट) डाक्टर विशाल तिवारीले बताए ।
मेसु तिवारीका अनुसार अस्पतालमा बिरामी भर्ना गर्दा आफन्त वा बिरामीले मञ्जुरी नामा गर्नुपर्ने प्रावधान छ ।तिवारीका अनुसार पीडित डा. सन्दिप अधिकारीसहित अन्य ९ जना समेतले प्रहरीमा जाहेरी दिएका छन् ।
प्रहरीले वडाअध्यक्ष बस्नेतलाई नियन्त्रणमा लिएकाे छ । डा. माथि हातपात गरेको आरोपमा प्रहरीले ‘स्वास्थ्यकर्मी तथा स्वास्थ्य संस्थाको सुरक्षा सम्बन्धी ऐन’ विरुद्धको कसुरमा अनुसन्धान थालेको छ । बस्नेतविरुद्ध जिल्ला अदालतबाट ५ दिनको म्याद थप गरी थप अनुसन्धान थालिएको प्रहरीले जनाएको छ ।
प्रधानमन्त्री ओलीले मन्त्रीहरूलाई भने : काम गर्न नसके पद ओगटेर बस्न हुँदैन
काठमाडौं । प्रधानमन्त्री केपी शर्मा ओलीले घोषित लक्ष्य हासिल हुने गरी काम गर्न मन्त्रीहरुलाई निर्देशन दिएका छन्। बुधबार अपरान्ह प्रधानमन्त्री...
