लमजुङ । लमजुङ अस्पतालका चिकित्सकमाथी हातपात गरेकाे आरोपमा प्रहरी नियन्त्रणमा रहेका बेंसीशहर नगरपालिका ७ का वडाअध्यक्ष ऋषिराम बस्नेतको रिहाइ गर्न राष्ट्रिय युवा संघ नेपाल जिल्ला कार्यसमिति लमजुङले माग गरेको छ ।
राष्ट्रिय युवा संघ लमजुङका अध्यक्ष योगबहादुर गुरुङ नेतृत्वको टोलीले प्रमुख जिल्ला अधिकारी रामकृष्ण अधिकारीलाई ज्ञापनपत्र बुझाउँदै वडाअध्यक्ष बस्नेतको रिहाईको माग गरेको हो । ज्ञापनपत्रमा घटनाको प्रत्यक्षदर्शी, सिसिटिभि फुटेज लगायतका उपकरणको आधारमा छानबिन गरी वडाअध्यक्ष बस्नेतलाई रिहाईको माग गरेको उल्लेख छ ।
गत असोज ७ गते राती वडाअध्यक्ष बस्नेत आफ्नो आमाको उपचारका लागि अस्पताल पुगेका थिए । आमालाई डेंगु देखा परेकाे र भर्ना गर्ने क्रममा मन्ञ्जुरीनामामा हस्ताक्षर गर्ने विषयमा अस्पतालका डाक्टर सन्दिप अधिकारी र वडाअध्यक्ष बस्नेतबीच सामान्य विवाद भएको ज्ञापन पत्रमा उल्लेख गरिएको छ ।
मञ्जुरीनामा पत्रमा गरिने हस्ताक्षरको व्यहोरामा शल्यक्रिया नगर्नु पर्ने विषयमा शल्यक्रिया गर्नुपर्ने र जिम्मा आफन्तले लिनुपर्ने उल्लेख भएको र हस्ताक्षर गर्न नमान्दा सामान्य विवाद भएको ज्ञापनपत्रमा उल्लेख गरिएको छ ।
अस्पतालका डाक्टर अधिकारी र वडा अध्यक्ष बस्नेतबीच भएको सामान्य परिस्थितिलाई अतिरञ्जित गरेर अस्पतालको कर्मचारीले नियोजित हिसाबले एकतर्फी चरित्रहत्या गर्ने कुरा गैर जिम्मेवारपूर्ण रहेको ज्ञापनपत्रमा उल्लेख छ ।
अस्पताल भित्र भएको यथार्थ घटनाको सत्यतथ्य छानबिन गरी वास्तविकता बाहिर ल्याउन आवश्यक रहेको ज्ञापनपत्रमा उल्लेख गरिएको छ ।
राष्ट्रिय युवा संघ लमजुङले ज्ञापनपत्रको बोधार्थ लमजुङ अस्पताललाई पनि दिएको छ । ज्ञापनपत्र बुझाउन युवाहरु नवीनकुमार श्रेष्ठ, गोविन्द बस्नेत, प्रदिपराज गुरुङ, प्रदिप घिमिरेलगायतको टोली पुगेका थिए ।
प्रमुख जिल्ला अधिकारीले मुद्दा अदालतमा पुगिसकेकाले यसको पर्खाइमा रहनुपर्ने र सवै मिलेर घटनालाई साम्य पार्ने हिसावले अघि बढ्नुपर्नेमा जोड दिए ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
