दोर्दी गाउँपालिकाले यहाँका ज्येष्ठ नागरिकलाई सम्मान गरेको छ । पालिकाको महिला विकास शाखाको आयोजनामा वडा नं. ४ नौथर सेराका ९÷९ जना महिला, पुरुष गरी १८ जना ज्येष्ठ नागरिकलाई सम्मान गरेको हो ।
ज्येष्ठ नागरिकलाई एक–एक वटा कम्बल र हर्लिक्स दिनुका साथै खादा ओडाएर सम्मान गरेको हो । उनीहरुलाई गाउँपालिका उपाध्यक्ष विच्छबहादुर घले, पालिकाको सामाजिक विकास संयोजक अम्बिका मरहट्टा, पालिकाको शिक्षा शाखा प्रमुख भिमप्रसाद लामिछाने लगायतले सो सामग्री वितरण गर्दै खादा ओडाएर सम्मान गरेका थिए ।
सम्मानित ज्येष्ठ नागरिक कृष्णप्रसाद दवाडीले पालिकाले गरेको सम्मानले ज्येष्ठ नागरिकलाई राज्य ज्येष्ठ नागरिकको लागि पनि रहेछ भन्ने आभास भएको बताए । सम्मानित हुन पाउँदा उनीहरु हर्षित भए ।
