लमजुङ । लमजुङका आठजना किसान तथा साना उद्योगीहरु पुरस्कृत भएका छन् । नेपाल घरेलु तथा साना उद्योग महासंघ लमजुङले १७ औं साधारणसभा तथा नवौं जिल्ला अधिवेशनको अबसरमा किसान तथा साना उद्योेगीहरुलाई नगद र सम्मानपत्र सहित पुरस्कृत गरेको हो ।
पुरस्कृत हुनुहुनेमा मस्र्याङ्दी गाउँपालिका–७ उस्ताबेसीका साइला दाइको बाख्रा तथा फलफुल फर्मका सञ्चालक डम्बर भुजेल, बेसीसहर नगरपालिका–११ को राधाकृष्ण आमा समूह र समृद्ध आमा समूह, बेसीसहर नगरपालिका–८ को नमूना स्टोर्सको सञ्चालक शिला तामाङ, सिलाई कटाई ब्यवसायी गीता प्रधान रहनुभएको छ ।
यसैगरी क्ब्होंलासोंथर गाउँपालिका–३ को आदी मौरी पालन उद्योगका सञ्चालक डिल्लेश्वर गुरुङ, बेसीसहर नगरपालिका–२ को लक्ष्मी कृषि तथा पशुपालन फार्मका सञ्चालक लक्ष्मी अधिकारी र सुन्दरबजार नगरपालिका–९ को शुलभ राइस मिलका सञ्चालक विष्णु श्रेष्ठलाई सम्मान गरिएको नेपाल घरेलु तथा साना उद्योग महासंघ लमजुङका महासचिव वेदराज खनियाले जानकारी दिनुभयो ।
महासंघ नेतृत्वमा पुनः लामिछाने
नेपाल घरेलु तथा साना उद्योग महासंघ लमजुङको अध्यक्षमा पुनः श्रीकृष्ण लामिछाने निर्वाचित हुनुभएको छ ।
महासंघको बरिष्ठ उपाध्यक्षमा विकाश श्रेष्ठ, उपाध्यक्षमा भरत बहादुर बिष्ट, महिला उपाध्यक्षमा कल्पना थापा बोहोरा, महासचिवमा बेदराज खनिया, सचिवमा युवराज पौडेल र कोषाध्यक्षमा शंकर बस्नेत चयन हुनुभएको छ ।
कार्यसमिति सदस्यहरुमा यज्ञनारायण श्रेष्ठ, दिपज्योति प्रधान, कुमार बहादुर विष्ट, कृष्ण बहादुर देउजा, शारदा खनिया, अस्मिता पौडेल, शोभा पन्थी, महिला सदस्यमा अनिता बोहोरा र पुष्पकला मिश्र निर्वाचित हुनुभएको छ ।
त्यस्तै महासंघको महिला उद्यमी समिति अध्यक्षमा कल्पना बोहोरा निर्वाचित हुनुभएको छ । समितिको उपाध्यक्षमा इन्दु न्यौपाने, महासचिवमा राजकुमारी श्रेष्ठ, सचिवमा सायरा मिया निर्वाचित हुनुभयो । सदस्यहरुमा सानुमाया श्रेष्ठ, निकिता श्रेष्ठ, सरस्वती श्रेष्ठ (क), जनक घिमिरे, विमाया तामाङ, सस्वस्वती श्रेष्ठ (ख) निर्वाचित हुनुभएको छ ।
अधिवेशनको उद्घाटन गर्दै बेसीशहर नगरपालिकाका प्रमुख गुमानसिंह अर्यालले महासंघले उद्यामी तथा व्यवसायीको उत्थान र प्रवद्र्धनका क्षेत्रमा काम गर्न महासंघलाई आग्रह गर्नुभयो । नेपाल घरेल तथा साना उद्योग महासंघका केन्द्रीय बरिष्ठ उपाध्यक्ष सूर्य कंडेलले जिल्लामा रहेका महिलाहरुलाई पनि उद्याममा जोडेर अगाडी बढाउनुपर्नमा जोड दिनुभयो ।
कार्यक्रममा बेसीशहर नगरपालिका उपप्रमुख पदमा गुरुङ, नेपाल घरेल तथा साना उद्योग महासंघ केन्द्रीय उपाध्यक्ष शोभा गुरुङ, केन्द्रीय सदस्य विनोददेव पन्त, केन्द्रीय सदस्य रामकुमार श्रेष्ठ लगायतले शुभकामना मन्तव्य राख्नुभएको महासचिव बेदराज खनियाले जानकारी दिनुभयो ।
