लमजुङ । शुक्रबार काठमाडौंमा भएकाे पूर्वराजावादीहरूकाे आन्दोलनमा भएकाे पत्रकारको हत्या र सञ्चारगृहमा गरिएको आगजनी तथा तोडफोडविरुद्ध लमजुङका पत्रकारले सडकमा विरोध प्रदर्शन गरेका छन् ।
नेपाल पत्रकार महासंघ लमजुङले शनिवार सदरमुकाम बेसीसहरकाे भिमसेनस्थान चाेकमा विराेध प्रदर्शन गरेकाे हाे । काठमाडौंमा पत्रकार सुरेश रजकको हत्या, कान्तिपुर टिभी, अन्नपूर्ण पोस्टको कार्यालयमा गरिएको आगजनी तथा ताेडफाेड र अनलाइन खबरका पत्रकारमाथी भएकाे आक्रमणको विरुद्ध पत्रकारहरूले विरोध प्रदर्शन गरेका हुन् ।
पत्रकार सुरेश रजकको हत्यारालाई कारबाही गर, सञ्चारगृमाथीको आक्रमण बन्द गर, प्रेस तथा अभिव्यक्ति स्वतन्त्रको रक्षा गरौं, पत्रकारको सुरक्षाको ग्यारेन्टी गर, प्रेस स्वतन्त्रता जिन्दाबादसहितका विभिन्न प्लेकार्ड बोकेर पत्रकारहरूले बेसीसहर बजारमा विरोध प्रदर्शन गरेकाे पत्रकार महासंघ लमजुङका अध्यक्ष सन्देश पाैडेलले जानकारी दिनुभयाे ।
नेपाल पत्रकार महासंघका केद्रीय सदस्य कृष्ण केसीले विरोध सभालाई सम्बोधन गर्दै हिजो भएको रजकको हत्या र सञ्चारमाध्यममा भएको आक्रमण निन्दनीय र भर्त्सनायोग्य रहेको बताउनुभयाे ।
