लमजुङ । विभिन्न खेल र स्थानीय संस्कृतिको प्रचारप्रचार गर्न आयोजित प्रथम लमजुङ खेलकुँद तथा सांस्कृतिक महोत्सव सम्पन्न भएको छ । युवालाई खेल, संस्कृति र ब्यवसायतर्फ आकर्षित गर्न महोत्सवले सकरात्मक भूमिका खेलेको आयोजक जिल्ला खेलकुँद विकास समितिका अध्यक्ष योगबहादुर गुरुङले बताउनुभयो ।
फागुन ६ गतेबाट सुरु महोत्सवको १४ औं दिन १८ गते सोमबार समापन गरिएको हो । महोत्सव अवधिभर भएको विभिन्न खेलकुदका विजेताहरुलाई समापनको अवसरमा पुुरस्कार वितरण गरिएको थियो । युगल ब्याडमिन्टन प्रतियोगितामा प्रथम भएका रोहित गुरुङ र सुभाष श्रेष्ठले १५ हजार रुपैया, द्धितीय हुने विनोद गुरुङ र प्रल्हाद बोहराले १० हजार रुपैया प्राप्त गर्नुभयो ।
त्यस्तै कराँते प्रतियोगितामा बेसीशहर नगरपालिकाले ११ स्वर्ण, ५ रजत र ३ कास्य पदक सहित प्रथम स्थान हासिल गरी ३० हजार रुपैया प्राप्त गरेको छ । त्यस्तै सुन्दरबजार नगरपालिकाले १ स्वर्ण, ५ रजत र ५ कास्य पदक प्राप्त गरी द्धितीय हुदँै २० हजार रुपैया र राइनास नगरपालिकाले १ रजत ११ कास्य प्राप्त गरी नगद १० हजार रुपैया प्राप्त गर्न सफल भएको छ ।
भलिबल खेलमा पुरुषतर्फ राइनास नगरपालिका प्रथम भई ५० हजार र मध्यनेपाल नगरपालिका द्धितीय भई २५ हजार रुपैया पुरस्कार प्राप्त गरेको छ । त्यस्तै महिलातर्फ भएको भलिबल खेलमा मध्यनेपाल नगरपालिका प्रथम भई ३० हजार र बेसीशहर नगरपालिका द्धितीय भई २० हजार रुपैया पुरस्कार प्राप्त गरेका छन् ।
त्यस्तैगरी छेलो प्रतियोगितामा सुन्दरबजार नगरपालिका–३ का निशान परियार प्रथम भई नगद १५ हजार र दुधपोखरी गाँउपालिकाका बिर बहादुर तामाङ द्धितीय भई नगद १० हजार प्राप्त गर्नुभयो भने स्नुकर प्रतियोगितामा अवसर मिया प्रथम भई ३० हजार र रवी बस्नेत द्धितीय भई २० हजार रुपैया प्राप्त गर्नुभयो ।
त्यस्तैगरी सास्कृतिक कार्यक्रम तर्फ आयोजना गरिएको आमा समूहको नृत्य प्रतियोगितामा शान्तिटोल आमा समूह प्रथम भई ३० हजार रुपैया प्राप्त गरेको छ ।
महोत्सव अवधिभर स्थानीय तथा राष्ट्रियस्तरका विभिन्न कलाकारहरुको प्रस्तुती रहेको थियो । जिल्लामा पहिलो पटक खेलकुद र साँस्कृतिक कार्यक्रम एकै पटकमा आयोजना गरि २ हप्तासम्म चलेको महोत्सवले सोचे अनुसारको सफलता प्राप्त गरेको आयोजक जिल्ला खेलकुद विकास समिति लमजुङले जनाएको छ । महोत्सव अवधीभर करिव डेड लाख दर्शकले अवलोकन गरेको र डेड करोड बराबरको कारोबार भएको आयोजकले जानकारी दिएको छ ।
भलिबल, कराँते, छेलो लगायतका खेल तथा स्थानीय संस्कृतिलाई प्रचारप्रचार गरी युवालाई खेलप्रति आकर्षित गर्दै अनुशासित बनाउने, बढ्दो युवा पलायनलाई रोकेर खेल, संस्कृति र व्यवसायतर्फ आकर्षित गराउने, महोत्सवको माध्यमबाट जिल्लाको पर्यटन विकास गरी आर्थिक विकासमा टेवा पु¥याउने, खेल पूर्वाधारको विकासमा लगानीको वातावतरण बनाउने तथा बेसीशहरको सहजी खेलमैदानको लागि थप जग्गा खरिद गर्ने लगायत महोत्सवको उद्धेश्य रहेको थियो ।
