लमजुङ । स्थानीय मिनि चुनावकाे रूपमा हेरिएकाे बेंसीसहर खानेपानी तथा उपभोक्ता समितिमा एमाले–माओवादी केन्द्रसहितको प्रगतिशील समूहका उम्मेदवार रामबहादुर गुरुङ अध्यक्षमा निर्वाचित भएका छन् ।
क्व्होलासोथार गाउँपालिका ४, भुजुङ घर भइ हाल बेंसीसहर बस्दै आएका गुरूङ करिब ९ वर्षपछि भएको अधिवेशनमा कांग्रेस–राप्रपा समर्थित गठबन्धनलाई हराउँदै अध्यक्षमा निर्वाचित भएका हुन् ।
बेंसीसहर खानेपानी तथा उपभोक्ता समितिको यसअघिको निर्वाचनमा कांग्रेस समर्थितको प्यानलै विजयी भएका थिए । यसपटकको चुनावमा सत्तापक्ष नेकपा एसले गुरुङ नेतृत्वको टीमलाई समर्थत गरेको थियो । राष्ट्रिय स्वतन्त्र पार्टी समर्थित समूह भने छुट्टै चुनावमा उठेको थियो ।
आइतबार राती सकिएको मतपरिणाम अनुसार अध्यक्षमा निर्वाचित गुरुङले अध्यक्षका उम्मेदवार कांग्रेस–राप्रपा समर्थित लोकतान्त्रिक समूहका लोकेन्द्र गुरुङलाई ५८ मतले पराजित गरे । रामबहादुरले ७ सय ३७ मत प्राप्त गर्दा लोकेन्द्रले ६ सय ७७ मत प्राप्त गरे । अध्यक्षका अर्का उम्मेदवार रास्वपाका विष्णु घिमिरेले ३ सय १० मत प्राप्त गर्न सफल भए । कूल ३ हजार १ सय ९७ मतदाता रहेकोमा १ हजार ८ सय १ मत खसेको थियो ।
अध्यक्षमा निर्वाचित भएपछि रामबहादुर गुरुङले बेंसीसहरबासीलाई स्वच्छ खानेपानी खुवाउन आफू कटिबद्ध भएर लाग्ने प्रतिवद्धता जनाएका छन् ।
उपाध्यक्षमा लोकतान्त्रिक समूहकी आशकुमारी गुरुङ निर्वाचित भईन् । उनले ७ सय ११ मत प्राप्त गर्दा निकटम प्रतिष्पर्धी प्रगतिशील समूहकी श्रद्धा पौडेल घिमिरेले ५ सय ९९ मत प्राप्त गरिन । रास्वपाकी सविता अधिकारी बरालले ३ सय ६९ मत पाईन ।
सचिवमा प्रगतिशीलका शम्भूलाल श्रेष्ठ ७ सय ३६ मतका साथ विजयी भए । लोकतान्त्रिक समूहबाट सचिवका उम्मेदवार चन्द्रकान्त पौडेलले ५ सय ७८ मत र रास्वपाका श्यामबहादुर अर्यालले ३ सय २४ मत प्राप्त गरे ।
कोषाध्यक्षमा ७ सय ८ मतका साथ प्रगतिशील समूहका नन्दलाल श्रेष्ठ निर्वाचित भए । प्रतिद्धन्द्धि लोकतान्त्रिक समूहका भगवान पियाले ६ सय ४५ मत र रास्वपाका मिना खड्काले २ सय ८२ मत ल्याइन ।
महिला सदस्यमा प्रगतिशील समूहकी युक्मी गुरुङ र सविना रिमाल विजयी भए । दलित सदस्यमा प्रगतिशीलकै गोपाल परियार निर्वाचित भए । खुलातर्फ प्रगतिशीलका भिमसेन अधिकारी, राजन पौडेल, विनोद तामाङ र लोकतान्त्रिक समुहबाट राप्रपाका अजितबहादुर अधिकारी निर्वाचित भए । पदाधिकारीसहित ११ जनाको निर्वाचन भएकोमा लोकतान्त्रिक समूहका उपाध्यक्ष र १ जना सदस्यबाहेक सवैमा प्रगतिशील समूहका उम्मेदवार विजयी भएका छन् । विजयी प्रगतिशील समूहले आइतबार राती नै बेंसीसहरमा विजयी ¥याली गरेका छन् ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
