लमजुङ । रूस-युक्रेन युद्वमा लमजुङका एक युवाकाे निधन भएकाे छ । रुसी सेनामा भर्ती भएका लमजुङको दूधपोखरी गाउँपालिका–१ घामरचोकका ३२ वर्षीय साजन गुरुङको मृत्यु भएकाे हाे ।
रोजगारीका लागि रुसी सेनामा पुगेका गुरुङको मृत्यु भएको खबर पाँच दिन अघिमात्र परिवारलाई प्राप्त भएको थियाे । जर्मनमा रहेका उनका भाइ कुमारले परिवारलाई खबर पठाएका थिए ।
मृतक गुरुङसँगै रुसी सेनामा पुगेका साथीहरुले उनका भाइ कुमारलाई खबर पठाएका थिए ।
गत असाेज २ गते उनी रूस गएका थिए। `हामिलाई त रूसी सेनामा गएकाे नि थाहा थिएन । माल्टामा छु भन्थ्याे´, मृतकका बुवा श्रीमान गुरूङले भने, `अस्ति रूस-युक्रेन युद्वमा बित्याे भनेपछि खङ्रङ्ग भयाैं ।´
साजनले पुसकाे १६ गते श्रीमती सीतालाई भिडियाे कल गरेका थिए । ´राती ८ बजेतिर फाेन आएको रैछ, बुवाकाे मुख हेर्छु भनेछ, बुहारीले फाेन दिएकाे २ सेकेन्डमै फाेन काटियाे। न छाेराले देख्न पायाे, न मैले´, बुवा श्रीमानले भने ।
गुरुङ दूधपोखरी गाउँपालिकाका वाईसीएल अध्यक्षसमेत बनेका थिए । उनको घरमा बुबा, आमा, श्रीमती र ५ वर्षका छोरा छन् ।
प्रधानमन्त्री ओलीले मन्त्रीहरूलाई भने : काम गर्न नसके पद ओगटेर बस्न हुँदैन
काठमाडौं । प्रधानमन्त्री केपी शर्मा ओलीले घोषित लक्ष्य हासिल हुने गरी काम गर्न मन्त्रीहरुलाई निर्देशन दिएका छन्। बुधबार अपरान्ह प्रधानमन्त्री...
