लमजुङ । गण्डकी प्रदेशकै दाेस्राे ठुलाे धनराशी पुरस्कार रहेकाे त्रिवेणी कप नकआउट फुटबल प्रतियोगिताकाे उपाधी लालीगुराँस युवा क्लब भुजुङले जितेकाे छ ।
बेसीसहरस्थित सहजी त्रिवेणी रंगशालामा भएको ३१ औं त्रिवेणी कप नकआउट फुटबलकाे फाइनल खेलमा बेँसीसहर युथ साेसाईटीलाई १–० गोल अन्तरले पराजित गर्दै लालीगुराँस युवा क्लब भुजुङले १९ वर्षपछि पुनः उपाधि जितेको हो । भुजुङले ०६१ मा त्रिवेणीकप उपाधी उचालेकाे थियाे ।
यसपटक एनएसएलका अधिकांश खेलाडी लिएर खेलेकाे भुजुङले उपाधीकाे दावेदार मानिएकाे विभागिय टिम त्रिभुवन आर्मी जस्ता टिमलाई पराजित गर्दै फाईनलकाे यात्रा गरेकाे थियाे ।
लालीगुराँसले खेल अबधिभर आफ्नो दवाव कायम राखेपनि पहिलाे हाफ बराबरी रह्याे । निकै राेमाञ्चक खेलकाे दास्राे हाफकाे १५ मिनेटमा बेसीसहर युथ साेसाईटीका जर्सी नम्बर २५ का बिदेशी खेलाडी एन्ड्रियास नियाले आफ्नै पोस्टमा गोल गर्दा लालीगुराँस युवा क्लब उपाधीकाे दावेदार बन्याे ।
१९ वर्षपछि त्रिवेणी कपकाे पुन: च्याम्पियन बनेकाे भुजुङले नगद ८ लाख र ट्रफि उचाल्याे । त्रिवेणी कपकै दुई पटक उपाधी जितिसकेकाे बेसीसहर युथ साेसाईटीले उपविजेतामा चित्त बुझाउँदै ४ लाख रुपैयाँ प्राप्त गर्याे ।
विजेतालाई गण्डकी प्रदेशका मुख्यमन्त्री सुरेन्द्रराज पाण्डे, प्रदेशसभा सदस्य भेषबहादुर पाैडेल, बेसीसहर नगरपालिकाका मेयर गुमानसिँह अर्याल, त्रिवेणी क्लबका अध्यक्ष राजकुमार घिमिरेलगायतले पुरस्कार वितरण गरेका थिए ।
सेमीफाइनलमा पराजित लाङ्दीदेवी युवा क्लब नाल्मा र अविशेक चर्ज रजहर नवलपुरले नगद १\१ लाख पुरस्कार पाए । सर्वोकृष्ट खेलाडी बेसीसहर युथ साेसाईटीका लक्षु थापा र सर्वाधिक गोलकर्ता सुन्दरबजार युवा क्लबका एराेन थापाले नगद २०\२० हजार पाए । फाईनल खेलकाे म्यान अफ दि म्याच लालीगुराँस युवा क्लबका सुदिप गुरूङ भए ।
प्रतियोगितामा विभागीय टिम त्रिभुवन आर्मी, महेन्द्र पुलिस क्लबसहित देशका विभिन्न ठाउँका २१ टिमकाे सहभागिता थियाे ।
प्रधानमन्त्री ओलीले मन्त्रीहरूलाई भने : काम गर्न नसके पद ओगटेर बस्न हुँदैन
काठमाडौं । प्रधानमन्त्री केपी शर्मा ओलीले घोषित लक्ष्य हासिल हुने गरी काम गर्न मन्त्रीहरुलाई निर्देशन दिएका छन्। बुधबार अपरान्ह प्रधानमन्त्री...
