लमजुङ । नेपाल पुलिस क्लब, सुन्दरबजार फुटबल क्लब र बेसीशहर युथ सोसाईटी लमजुङ सदरमुकाम बेंसीसहरमा जारी ३१ औं त्रिवेणी कप राष्ट्रिय नकआउट फुटबल प्रतियोगिताको क्वाटरफाइनलमा प्रवेश गरेका छन् ।
सहजीस्थित त्रिवेणी रंगशालामा साेमबार भएको पहिलो खेलमा पुलिसले चामे युवा समाज, मनाङलाई शून्यका विरुद्ध २ गोलले हरायो । पुलिसका लागि प्रविन थापाले एक गोल गरे भने थप एक गोल विपक्षी टोलीका अकिन्सले आत्मघाती गोल गरेका थिए ।
त्यस्तै दोस्रो खेलमा सुन्दरबजारले मर्स्याङ्दी युथ क्लब, लमजुङलाई ३–१ ले हरायो । सुन्दरबजारको जितमा एरोन थापाले ह्याट्रिक गरे । उता पराजित मर्स्याङ्दीका लागि सर्जे संगले एक मात्र गोल फर्काएका थिए ।
दिनको तेस्रो खेलमा बेसीशहर युथ सोसाईटीले बेसीशहर नगरपालिकामाथि ६–१ को फराकिलो जित दर्ता गर्यो । बेसीशहर युथका लागि सुरेश कुमाल र सन्त बहादुर गुरुङ्गले २–२ गोल गरे । त्यस्तै स्टेफन बिनोङ र आशिष चौधरीले थप एक–एक गोल गरे । उता पराजित बेसीशहर नगरपालिकाका लागि अशोक थापाले एक मात्र गोल फर्काएका थिए ।
त्रिवेणी युवा क्लवकाे आयाेजनामा जारी प्रतियाेगितामा प्रथम पुरस्कारकाे राशी ८ लाख छ । याे राशी गण्डकी प्रदेशमै दाेस्राे ठुलाे धनराशीकाे पुरस्कार हाे ।
प्रतियाेगिताकाे उपविजेताले नगद ४ लाख र सेमीफाइनल पुग्ने दुई टीमले नगद १\१ लाख पुरस्कार पाउने छन् । सर्वोकृष्ट खेलाडी र सर्वाधिक गोलकर्ताले नगद २०\२० हजार पाउने छन् । फाईनल खेल २१ गते हुनेछ ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
