लमजुङ । मर्स्याङ्दी गाउँपालिकाले सहकारी संस्थाहरूमा देखिएकाे बचत हिनामिना लगायतका समस्याहरूकाे छानविनका लागि अध्ययन अनुगमन समिति गठन गरेको छ ।
गाउँपालिका भित्र कार्यक्षेत्र बनाई बचत तथा ऋणको मुख्य कारोबार गर्ने गरी दर्ता भएका केही सहकारी संस्थामा बेलाबेलामा बचत हिनामिना गरेको गुनासो आएकोले सोको वास्तविकता पत्ता लगाउन अध्ययन अनुगमन समिति गठन गरेको हो ।
मंसिर २५ गते सोमवार बसेको गाउँ कार्यापालिकाको बैठकले मर्स्याङ्दी-५ का वडा अध्यक्ष एवं लेखा समिति संयोजक घनश्याम घले संयोजक रहने गरी ५ सदस्यीय समिति गठन गरेकाे छ । समितिको सदस्यहरुमा गाउँपालिकाका प्रशासकीय अधिकृत अर्जुन चपाई, मर्स्याङ्दी गाउँपालिका सहकारी समन्वय समितिको अध्यक्ष लेखमान कतिला, मर्स्याङ्दी गाउँपालिकाको सहकारी फोकल पर्सन नन्दराज गुरुङ र समितिले चयन गरेको सहकारीको लेखा हेर्न सक्ने एक जना विज्ञ रहने छन् ।
पालिका भित्र रहेको ताघृङ घेर्मु साकाेस, कालिका साकाेस, गणेश साकाेसलगायतका सहकारीमा बचत फिर्ता सम्बन्धि समस्या पालिकामा पुग्ने गरेकाे छ । गुनासा आएका सहकारीकाे वास्तविक अवस्था पत्ता लगाउन पिडित पक्ष र नियामक निकाय बीचको समझदारीमा गाउँ कार्यपालिका बैठकबाट सर्वसम्मतीमा सहकारी संस्था अध्ययन अनगुमन समिति गठन गरिएको गाउँपालिका अध्यक्ष अर्जुन गुरुङले बताए
अन्नपूर्ण पदमार्ग घुम्न आएका पर्यटकलाई एक्यापकाे स्वागत !
अन्नपूर्ण संरक्षण क्षेत्र आयोजना (एक्याप), इलाका संरक्षण कार्यालय भुजुङले मर्स्याङ्दी गाउँपालिका ९, सिम्पानी बगैंचामा रहेको पर्यटक प्रवेश शुल्क केन्द्र, चेक...
