नेकपा एमालेका अध्यक्ष केपी शर्मा ओलीले एमाले सरकारबाट बाहिरिएपछि देश नराम्राेसंग ओरालाे लागेकाे टिप्पणी गरेका छन् ।
एमालेको मध्यपहाडी यात्रा अन्तर्गत शुक्रबार लमजुङको सुन्दरबजार खत्रीठाटीमा आयोजित जनसभालाई सम्बोधन गर्दै उनले एमाले सरकारबाट बाहिरिएकाे डेढ वर्षमा देशकाे राजनीतिदेखि सबै चिज विग्रिएकाे दावी गरे । याे अबधिमा देशकाे राजनिती विग्रियाे, अस्तिरता, अन्याेल, अविश्वास, असन्तुष्टी, अराजगता र विभिन्न प्रकारका फाटाेबादी, अस्तिरतावादी र प्रतिक्रियावादी शक्तिहरू सलबलाउने सम्मकाे स्थिति बन्याे,´ उनले भने,राजनीतिसँगै अर्थतन्त्र ओरालाे लाग्याे, विकास निर्माणका काम ठप्प भए ।´
उनले अरु सरकारले एक बर्षमा गर्ने काम एमालेले दुई दिनमा गर्नसक्ने दाबी गरे । आफूले सरकार चलाउँदा उत्पादन वृद्धिदर ७ प्रतिशतभन्दा बढी पुर्याएको बताए ।
उनले भने, एमालेको सरकार बन्नुअघि बर्षमा १० किलोमिटर सडक कालोपत्र हुन्थ्यो भने एमालेले साढे ५ किलोमिटर भन्दा बढी त एकैदिनमा गर्यो। अरुले एक बर्षमा गरेको काम एमालेले दुई दिनमै गर्यो । तर, अहिले त त्यो १० किलोमिटर पनि के होला । विकास निर्माणको काम ठप्प भएको छ ।
उनले एमाले बाहेक अरुले सुरु गरेको काम गर्न नसक्ने उनको भनाइ छ । राष्ट्रियताको सवालमा पनि एमालेबाहेक अरु कसैले रक्षा गर्न नसक्ने बताए ।
उपमहासचिव पृथ्वीसुब्बा गुरूङले मुलुककाे समस्याकाे पहिचान गर्न झुलाघाट-चिवाभञ्याङ यात्रा गरिएकाे बताए । `मानिस किन शहर झरिरहेका छन, उत्पादन किन घटिरहेकाे छ, विकास निर्माण ठप्प जस्ताे छ । याे अभियानपछि यी सबै विषयकाे समीक्षा गरिनेछ´, उनले भने । लमजुङको प्रतिनिधिसभा सदस्य समेत रहेका गुरूङले लमजुङको समस्या र विकास गर्नुपर्ने बुँदाहरूसहितकाे मागपत्र ओलीलाई बुझाएका थिए ।
झुलाघाटबाट अभियान सुरु भएको नवौँ दिन टोली लमजुङ आईपुगेकाे हाे । एमाले अध्यक्ष केपी शर्मा ओली, वरिष्ठ उपाध्यक्ष ईश्वर पोखरेल, उपाध्यक्षहरू युवराज ज्ञवाली, रामबहादुर थापा, विष्णु पौडेल, सुरेन्द्र पाण्डे, महासचिव शंकर पोखरेल, उपमहासचिव प्रदीप ज्ञवाली, पृथ्वीसुब्बा गुरुङ, सचिवहरू, स्थायी कमिटी, पोलिटब्युरो, केन्द्रीय कमिटी सदस्यहरू, प्रदेश कमिटी लगायतका नेताहरूलाई लमजुङ आएका थिए । उनीहरूलाई फुलमालाले भव्य स्वागत गरिएकाे थियाे ।
