लमजुङ । नेकपा एमालेकाे मध्यपहाडी लोकमार्ग केन्द्रित झुलाघाट–चिवाभञ्ज्याङ समृद्धिको लागि संकल्प यात्राको टोली शुक्रबार (आज) लमजुङ आउनेभएकाे छ ।
झुलाघाटबाट अभियान सुरु भएको नवौँ दिन टोली लमजुङ आउन लागेकाे हाे । एमाले अध्यक्ष केपी शर्मा ओली, वरिष्ठ उपाध्यक्ष ईश्वर पोखरेल, उपाध्यक्षहरू युवराज ज्ञवाली, रामबहादुर थापा, विष्णु पौडेल, सुरेन्द्र पाण्डे, महासचिव शंकर पोखरेल, उपमहासचिव प्रदीप ज्ञवाली, पृथ्वीसुब्बा गुरुङ, सचिवहरू, स्थायी कमिटी, पोलिटब्युरो, केन्द्रीय कमिटी सदस्यहरू, प्रदेश कमिटी लगायतका नेताहरूलाई लमजुङ प्रवेश गर्नासाथ बाजागाजा फुलमालाले भव्य स्वागतकाे तयारी गरिएकाे छ । लमजुङको रामबजार, भाेर्लेटारमा स्वागत, सुन्दरबजारमा आमसभापछि टाेलीलाई राईनासकाे धमिलिकुवामा स्वागत गरि गाेर्खा पुर्याएर विदाई गरिनेछ ।
एमाले अध्यक्ष केपी शर्मा ओलीले सम्बाेधन गर्ने सुन्दरबजार खत्रीठाँटीकाे आमसभामा १५ हजार नेता कार्यकर्ताकाे सहगागिता गराउने तयारी गरिएकाे छ ।
साे आमसभामा लमजुङको मात्रै १० हजार भन्दा बढी कार्यकर्ता उत्तार्ने भएको छ । यहाँ छिमेकी जिल्ला तनहुँ र गाेर्खाका समेत मिसिनेछन् ।
एमाले जिल्ला अध्यक्ष कृष्णप्रसाद अधिकारीका अनुसार आमसभामा लमजुङसहित छिमेकी जिल्ला गोरखा र तनहुँका गरी १५ हजार कार्यकर्ता सहभागी हुनेछन् । आमसभालाई भव्य एवं सभ्य रुपमा सम्पन्न गर्न नेकपा एमालेको सबै संयन्त्रले सक्रियताका साथ काम गरिरहेको उनले बताए । आमसभा, स्वागत गेट, अतिथि भाेजनकाे तयारी पूरा भएकाे उनले बताए ।
सभामा जिल्लाको ८ वटै पालिकाका नेता कार्यकर्ताहरूकाे सहभागिता हुनेछ । जिल्ला सचिव सुभाष पाैडेलका अनुसार आमसभामा लमजुङको पहिचान झल्किने खालको नाचगान र झाँकी साथै लमजुङको पहिचान झल्किने तथा पाइने जडिबुटी, कृषि उत्पादन तथा हस्तकलाको प्रदर्शनी गरिने भएको छ ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
