लमजुङ । तिहारकाे समयमा लमजुङमा राती १० बजेपछि देउसी भैलाे खेल्न नपाईने भएकाे छ ।
जिल्ला प्रशासन कार्यालय लमजुङले राती १० बजेपछि देउसीभैलो खेल्न प्रतिबन्ध लगाएको हाे । बिहान ७ बजेदेखि राति १० बजेसम्ममात्रै देउसीभैलो खेल्न प्रशासनले सार्वजनिक सूचना जारी गरेको छ ।
प्रशासनले तोकिएको समयमा पनि मर्यादित तवरले र शान्ति सुरक्षामा असर नपर्ने गरी देउसीभैलो खेल्न भनेको छ । धेरै रातीसम्म देउसीभैलाे खेल्दा झै–झगडा हुन सक्ने र यसले घटना दुर्घटना भएर ज्यान समेत जान सक्ने भएकाले रातीको समय देउसीभैलो खेल्न प्रतिवन्ध लगाएको प्रमुख जिल्ला अधिकारी रामकृष्ण अधिकारीले बताए ।
चाडपर्वको अवसरमा मादक पदार्थको सेवन गरी सार्वजनिक शान्ति सुरक्षामा असर पर्ने गरी सार्वजनिक स्थानमा होहल्ला एवं भै–भगडा गर्ने जस्ता कार्य नगर्न नगराउन प्रशासनले नागरिकमा आग्रह गरेको छ । आफ्नो अधिकारको उपयोग गर्दा अर्काको अधिकार हनन नगरी सार्वजनिक यातायात र जनजीवनलाई नकारात्मक असर नपर्ने गरी मर्यादित र अनुशासित रुपमा देउसीभैलो लगायतका कार्यक्रम गर्न प्रशासनले आग्रह गरेको हो ।
प्रशासनले पटका, आतिसबाजी जस्ता कुनै पनि प्रकारका प्रज्वलनशील तथा विस्फोटक पदार्थहरूको आयात, ओसारपसार, विक्री वितरण तथा प्रयोगमा प्रतिबन्ध लगाएको छ । प्रशासनले जारी गरेको सूचनाको अवज्ञा गरी कानून विपरीतका काम गरे गराएको पाइएमा प्रचलित कानून बमोजिम कारबाही हुने जिल्ला प्रहरी प्रमुख डिएसपी मिनबहादुर घलेले बताए ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
