लमजुङ । डिभिजन वन कार्यालय लमजुङले आर्थिक वर्ष २०७९/८० मा ८१ दशमलव ४२ प्रतिशत कार्य प्रगति गरेको छ ।
गण्डकी प्रदेश सरकारको कार्यक्रमतर्फ ८१ दशमलव ८४ प्रतिशत प्रगति गरेको कार्यालयले जनाएको छ । यसमा चालुतर्फ ६७ दशमलव ६१ प्रतिशत र पुँजीगततर्फ ९९ दशमलव ०१ प्रतिशत प्रगति गरेको छ । प्रदेश सरकारतर्फ ३ करोड ९९ लाख २४ हजार रुपैयाँ बजेट रहेको थियो ।
संघीय सशर्त कार्यक्रमतर्फ १ करोड ४३ लाख ६७ हजार रुपैयाँ बजेट रहेकोमा ८१ दशमलव १६ प्रतिशत प्रगति भएको छ । चालुतर्फ ९९ दशमलव ९९ प्रतिशत र पुँजिगततर्फ ८० दशमलव ४१ प्रतिशत प्रगति भएको कार्यालयले जनाएकाे छ ।
डिभिजनल वन अधिकृत पूर्णेश्वर सुवेदीले चेपेघाट पार्क निर्माण, राइनास नगरपालिका ७ का लागि २० लाख रुपैयाँ बजेट तोकेर आएकोमा तोकिएको स्थानमा पार्क बन्न नसक्दा खर्च हुन नसकेकाे बताए ।
अतिक्रमण हटाई पुनरुत्पादन व्यवस्थापनतर्फ २ लाख ५० हजार बजेट आएकोमा खर्च हुन नसकेको, राइनास नगरपालिका ३ टिमुरेस्थित चम्पावती आधारभूत विद्यालय अगाडि तारवार सहित फलफूलको नमूना बगैंचा स्थापना ७ लाख बजेट आएकोमा कार्यक्रमको उद्देश्य र कार्यविधि विपरितको कार्यक्रम भएका कारण खर्च हुन नसकेको कार्यालयका सूचना अधिकारी सन्तोष खनालले जानकारी दिए ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
