लमजङ । लमजुङमा बाटाे छेकेर महिलाको घाँटीबाट सुनको सिक्री लुट्ने एक युवक पक्राउ परेका छन्।
पक्राउ पर्नेमा तनहुँको भानु नगरपालिका–७ घर भएका ३० बर्षिय श्याम चन्द्र खतिवडा हुन् ।
उनले साउन १ गते सोमबार राइनास नगरपालिका–६ स्थित जंगलमा बाटाे छेकेर एक महिलाको घाँटीबाट सुनको सिक्री लुटेर भागेका थिए ।
साँझ साढे ४ बजेको समयमा लक्ष्मी नेपालीको पिछा गरी उनको घाँटीबाट १ तोला २१ लालको सुनको सिक्री लुटेर भागेको प्रहरीले जनाएको छ । नेपाली पाेखरादेखि राईनास माइती जान लागेकि थिईन् ।
घट्ना लगत्तै पीडित महिला र स्थानीयहरुले स्थानीय प्रहरी चौकीमा खबर गरेपछि केहिबेरको खोजतलासमै घटनास्थलबाट नजिकैको जंगलमा खतिवडालाई फेला पारी पक्राउ गरिएको जिल्ला प्रहरी कार्यालयका प्रमुख डिएसपी प्रकाश श्रीमलले बताए ।
उनका अनुसार खतिवडालाई मंगलबार लमजुङ जिल्ला अदालतबाट ७ दिनको म्याद थप गरी अनुसन्धान अघि बढाइएको छ ।
मुलुकी अपराध संहिता, २०७४ अनुसार बाटो, एकान्त स्थल वा जङ्गलमा ढुकी चोरी गर्ने व्यक्तिलाई ५ वर्षदेखी १० वर्षसम्म कैद र ५ हजारदेखी एक लाख रुपैयासम्म जरिबाना हुने कानूनी व्यवस्था रहेकाे डिएसपी श्रीमलले बताए ।
लोकदृश्य
- लोकदृश्य#molongui-disabled-link
- लोकदृश्य#molongui-disabled-link
- लोकदृश्य#molongui-disabled-link
- लोकदृश्य#molongui-disabled-link

















