लमजुङ । बेंसीसहर नगरपालिका वडा नं. ६ का अध्यक्ष प्रकाश थापासहित दर्जनौ ब्यक्तिहरु राष्ट्रिय स्वतन्त्र पार्टी (रास्वपा) मा प्रवेश गरेका छन् ।
शनिवार बेसीसहर–६ मकैडाँडामा भएको रास्वपाको संगठन विस्तार तथा वडा समिति गठन कार्यक्रममा वडा अध्यक्ष थापासहितका ब्यक्तिहरु रास्वपामा प्रवेश गरेका हुन् । वडा अध्यक्ष थापा स्थानीय तह निर्वाचनमा स्वतन्त्र उठेर निर्वाचित भएका थिए ।
एमाले पृष्ठभूमीका उनी पार्टीले टिकट नदिएको भन्दै स्वतन्त्र उम्मेदवारी दिएका थिए । त्यसपछि उनको पार्टीसँग सम्बन्ध विग्रिएको थियो । शनिवार वडाका विभिन्न पार्टीमा रहेका तीनसय बढी कार्यकर्ता लिएर थापा रास्वपामा प्रवेश गरेका हुन् ।
रास्वपाले बेसीसहरको वडा नं. २ र ६ मा वडा समिति पनि गठन गरेको छ । वडा नं. २ को सभापतिमा खड्कबहादुर अधिकारी, उपसभापतिमा काजी थापा, सचिवमा सुरज अधिकारी रहेका छन् । सदस्यहरुमा रञ्जना तिवारी, सपना धिताल, विविकला धिताल, विष्णु थापा, विष्णुबहादुर खड्का, स्वस्तिका धिताल, देवेन्द्र बराल, कृष्णबहादुर धिताल रहेका छन् ।
वडा नं. ६ समितिको सभापतिमा तेजबहादुर भण्डारी, उपसभापतिमा राजकुमार राउत, सचिवमा इन्द्रबहादुर सुयेल र कोषाध्यक्षमा मीना परियार रहेका छन् । सदस्यहरुमा मनबहादुर विक, राजु रिमाल, कृष्णबहादुर राउत, अमृत खत्री, बाबुराम अधिकारी, विष्णु मिजार, बमबहादुर अधिकारी रहेका छन् ।
वडा नं. ६ मा भएको कार्यक्रममा रास्वपाका केन्द्रीय सदस्य डा. प्रभात अधिकारी, जिल्ला संयोजक धर्म केसी, उपसंयोजक अशोक सापकोटा, बेसीसहर नगर सभापति कृष्णबहादुर राउतसहित नेता कार्यकर्ताहरुको उपस्थिति थियो ।
