लमजुङ जिल्लामा यस बर्ष कूल २ हजार ८ सय ११ परीक्षार्थीले परीक्षा दिंदैछन् । ८४ बटा सामुदायिक विद्यालय र १५ संस्थागत विद्यालयका ती विद्यार्थीहरुलाई १७ बटा परीक्षा केन्द्रमा परीक्षा दिने व्यवस्था गरिएको शिक्षा विकास तथा समन्य इकाई, लमजुङका प्रमुख वीरबहादुर गुरुङले जानकारी दिए ।
गत वर्ष प्राविधिक धारका विद्यार्थीहरुलाई सुन्दरबजारमा एउटै परीक्षा केन्द्र कायम गरिएको भए पनि यस बर्ष सम्बन्धित पालिकामा पायक पर्ने गरी उनीहरुलाई अरुसँगै परीक्षा दिने व्यवस्था गरिएको छ । यस बर्ष प्राविधिक धार तर्फ १ सय ६४ विद्यार्थी सहभागी हुँदैछन् ।
परीक्षा नियन्त्रण कार्यालय सानोठिमीले परीक्षा बिहान ८ बजेदेखि देशैभरका केन्द्रहरूमा एकैसाथ सुरु हुने जनाएको छ ।
कक्षा १० को अन्तिम परीक्षाको रूपमा रहेको एसइईका लागि आवश्यक कर्मचारी र सुरक्षाकर्मी विहान नै केन्द्रमा पुगिसकेको गुरुङले जानकारी दिए ।
गुरुङले परीक्षालाई स्वच्छ, व्यवस्थित, मर्यादित एवं शान्तिपूर्ण वातावरणमा सञ्चालन गर्न सम्बन्धित पक्षलाई आग्रह गरेको बताए ।
जिल्लाका ८ वटै पालिकामा भएका परीक्षा केन्द्रमा खटिने केन्द्राध्यक्षहरुलाई आवश्यक ओरिन्टेसन दिएर पठाइएको शिक्षा विकास तथा समन्वय इकाई प्रमुख गुरुङले बताए । विशेष गरी गाउँपालिका, नगरपालिकासँग समन्वय गरेर परीक्षालाई व्यवस्थित गर्ने कार्य अघि बढिसकेको उनको भनाइ छ ।
प्रश्नपत्र, उत्तरपुस्तिकासँग सम्बन्धित सामग्रीहरू सम्बन्धित परीक्षा केन्द्र र नजिकको प्रहरी चौकीमा पु¥याउने व्यवस्था भएको र विद्यार्थीले आफूले अध्ययन गरेको विद्यालय नपर्ने गरी परीक्षा केन्द्र कायम गरिएको बताइएको छ ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
