लमजुङको मर्स्याङ्दी गाउँपालिकामा साना किसान कृषि सहकारी संस्था गठन गरिएकाे छ ।
मंगलबार मर्स्याङ्दी गाउँपालिकाकाे वडा नम्बर ३, ८ र ९ का किसान तथा सराेकारवालाहरूकाे भेलाले साना किसान कृषि सहकारी संस्था गठन गरेकाे हाे ।
भेलाले वडा नं. ८ काे निवर्मान वडाअध्यक्ष हिरादेवि घलेकाे अध्यक्षतामा ९ सदस्यीय तदर्थ सञ्चालक समिति गठन गरेकाे छ ।
समितिकाे उपाध्यक्षमा वडा नम्वर ९ बाट लुकुमारी गुरूङ, सचिवमा वडा नम्बर ३ बाट कृष्णकुमारी भण्डारी र काेषाध्यक्षमा वडा नम्वर ९ बाट सीता थापा रहेका छन् ।
यस्तै सञ्चालक सदस्यमा वडा नम्वर ९ बाट भिष्मकान्त कुईकेल, वडा नम्बर ८ बाट गाेविन्द भुजेल र राजकुमारी गुरूङ, वडा नम्वर ३ बाट विमाया विक र मनखुसी गुरूङ रहेका छन् ।
यस्तै गाउँपालिका अध्यक्ष अर्जुन गुरूङ प्रमुख सल्लाहकार रहनेगरि वडा नम्बर ३ का अध्यक्ष दुधमान तामाङ, वडा नम्बर ८ का अध्यक्ष धनसिंङ तामाङ र वडा नम्बर ९ का अध्यक्ष हरिश्चन्द्र थापा सल्लाहकार सदस्य रहेका छन् ।
भेलाले संञ्चालक समितिका अध्यक्ष हिरादेवि घले संयाेजक, नवीनराज कुईकेल सदस्य र एकजना विज्ञ रहनेगरि तीन सदस्यीय कर्मचारी पदपूर्ति समिति गठन गरेकाे छ ।
वडा नम्बर ३ का अध्यक्ष दुधमान तामाङकाे अध्यक्षतामा भएकाे भेलामा नेपाल कृषि सहकारी केन्द्रीय संघका प्रशिक्षक नवराज नेपालले प्रशिक्षण दिएका थिए ।
कार्यक्रमलाई संबाेधन गर्दै गाउँपालिका अध्यक्ष अर्जुन गुरूङले सहकारी मार्फत यहाँ रहेका साना किसानकाे प्रवर्द्धन, उद्योग ब्यवसायकाे विकास र बजारीकरणमा टेवा पुग्ने बताए ।
कार्यक्रममा गाउँपालिका उपाध्यक्ष जुनामाया थापा, जिसस कार्यपालिका सदस्य बविता मजाकाेटी, गाउँपालिका कार्यपालिका सदस्य पारकाशी गुरूङ, वडा नम्बर ३ का निवर्तमान वडाअध्यक्ष प्रेमबहादुर बस्नेत, कृषि तथा पशु शाखाका प्रमुखलगायत जनप्रतिनिधि, बुद्धिजीवी, किसान तथा महिलाहरूकाे उपस्थिति थियाे ।
सहकारीले एक वर्ष भित्र चार सय सदस्य बनाउने र ३० लाख शेयर तथा बचत संकलन गर्ने लक्ष लिएकाे छ ।
साेही अबधिमा सहकारीलाई गाउँपालिकाभरी विस्तार गर्ने र यहाँ रहेका अन्य कृषि सहकारीलाई मर्ज गरेर एउटै ठुलाे संस्था बनाईने बताईएकाे छ ।
