लमजुङको मस्र्याङ्दी गाउँपालिका वडा नं. ३ खुदीमा अबस्थित हिमचुली आवासिय माध्यामिक विद्यालय जिल्लामै अब्बल ठहरिएको छ ।
एसईई परिक्षा २०७८ मा देशभर ४२ जना मध्ये हिमचुलीका प्रमिश कतिलाले ४ जिपिए ल्याएका थिए । जिल्लामा भएको ९ वटा प्याप्सन कप मध्ये ६ वटा कप हिमचुलीले जितेको थियो । त्यसमध्ये २ वटा प्यावसन कपमा त रनरअफ जितेको थियो हिमचुली माविले ।
मस्र्याङ्दी गाउँपालिकामा ८५ प्रतिशत सिकाई उपलब्धी हाँसिल गरेको हिमचुली आवसिय मावि जिल्लामा अब्बल विद्यालयको रुपमा रहेको छ ।
सो विद्यालयको माघ १५ गते आइतबार भएको २९ औं वार्षिकोत्सब एवं अभिभावक दिवस समारोहमा बोल्ने बक्ताहरुले हिमचुली आवसिय मावि जिल्लाको मात्र नभई देशकै उत्कृष्ट विद्यालय भएको बताए ।
कार्यक्रमका प्रमुख अतिथि संविधानसभा सदस्य जमीन्द्रमान घलेले नीजि विद्यालयले देशको शैक्षिक विकासमा ठुलो योगदान दिएको बताए ।
गाउँपालिका अध्यक्ष अर्जुन गुरुङले देशमा दुईखाले शिक्षा नीति नभई पठनपाठन शैली मात्र फरक रहेको बताए ।
बिद्यालय ब्यबस्थापन समितिका अध्यक्ष नन्दराज तामाङको अध्यक्षतामा भएको सो कार्यक्रममा गाउँपालिका उपाध्यक्ष जुनामायाँ थापा, प्याबसन लमजुङका अध्यक्ष मेन घले, गाउँपालिकाका सामाजिक बिकास शाखा संयोजक एवं वडा नं. ७ का वडा अध्यक्ष तिल बहादुर गुरुङ, वडा नं. ३ का अध्यक्ष दुधमान तमाङ, विद्यालयका संस्थापकहरू प्रेम बस्नेत, मेघेन्द्र पोखरेल, रामप्रसाद सुवेदी, विभिन्न बिधालयका प्रधानाध्यापक, अभिभावकले मन्तब्य राखेका थिए ।
सो अबसरमा प्रधानाध्यापक रामचन्द्र भण्डारीले बिधालयको शैक्षिक, भौतिक, आर्थिक प्रगति प्रतिबेदन प्रस्तुत गरेका थिए भने साहयक प्रअ अर्जुन भण्डारी र सम्झना भण्डारीले सहजीकरण गरेका थिए ।
सो कार्यक्रममा एसई परिक्षा २०७८ मा ४ जिपिए ल्याउन सफल प्रनिश कतिला र विद्यालयलाई सहयोग गरेको भन्दै पत्रकार नवीनराज कुइँकेललाई सम्मान गरिएको थियो । सोही अबसरमा विद्यालयको विभिन्न विधामा विद्यार्थीहरुलाई पुरस्कृत गरिएको थियो ।
