गर्मी मौसम । छङछङ झरेको झरना । पानीमा खेल्न र सेल्फी लिन युवायुवती भिड नहुने त कुरै भएन् । लमजुङको मस्र्याङदी गाउँपालिका–८ भुलभुलेमा रहेको हामखोला झरनामा रमाउने बाह््य र आन्तरिक पर्यटकको चाप बढ्दै गएको छ ।
पर्यटकको रोजाईमा परेको सोही झरनामा अझ आकर्षक बढाउन स्थानीय भने ‘वाटरफल फेस्टिबल’ गर्न जुटेका छन् ।
आन्तरिक तथा बाह्य पर्यटकलाई लक्षित गरी भदौ १७ र १८ गते महोत्सव आयोजना गरिएको हामखोला झरना महोत्सवका संयोजक प्रमोद घलेले बताए । उनका अनुसार ‘एक नौलो सांगितिक अनुभुति, साथमा स्थानीय कलाकारहरुको साँस्कृतिक प्रस्तुति’ भन्ने नाराका साथ महोत्सव गरिन लागेको हो ।
यसअघि २०७६ साउन २५ गते पहिलोपटक हामखोला झरनामा महोत्सव भएको थियो । कोरोना संक्रमणका कारण ३ बर्ष विथोलिएको महोत्सवलाई यसबर्ष पुनः निरन्तरता दिन लागिएको घलेले बताए ।
मस्र्याङ्दी गाउँपालिकाको प्रवद्र्धनमा हुन लागेको महोत्सवमा स्थानीय कलासंस्कृति प्रदर्शनी साथै लक्ष्मी तामाङ, विशाल तामाङ, प्रशान्त तामाङ, प्रितम गुरुङ, पासाङ गुरुङ साथै स्थानीय कलाकारको जोडदार प्रस्तुति रहनेछ । यस्तै, रेन्ड व्याण्डको सांगीतिक प्रस्तुति रहने आयोजकले जनाएको छ । महोत्सवको पहिलो दिन भदौ १७ गते बिहान ७ बजे बेंसीसहरबाट महोत्सवस्थलसम्म साइक्लिङ गरिने आयोजक हामखोला छहरा व्यवस्थापन समितिका सविच विशाल गुरुङले बताए ।
निकै आकर्षक रहेको यस ठाउँलाई पर्यटकीय गन्तव्य बनाउन गाउँपालिकाको सहयोगमा भौतिक संरचनाहरु निर्माण गरिएका छन् । यसअघि गाउँपालिका र गण्डकी प्रदेश सरकारको सहयोगमा झरनासम्म जाने बाटो, रेलिङ, मैदानलगायत निर्माण गरिएका छन् । यस्तै, झरनाबाट बगेको पानीमा पौडन चाहनेका लागि पोखरी समेत बनाइएको छ ।
यो महोत्सवले गाउँपालिकासँगै सिंगो जिल्लाको पर्यटन प्रवद्र्धनमा सघाउ पु¥याउने मस्र्याङ्दी गाउँपालिकाका अध्यक्ष अर्जुन गुरुङले बताए । महोत्सवमा गाउँपालिका भित्रका पर्यटकीय स्थलहरुको जानकारीमुलक तस्विरहरु राखिनेछ ।
