राइनास नगरपालिकाले अपांगता भएका व्यक्तिहरुलाई सहायता समाग्री वितरण गरेको छ ।
नगरपालिकाले महिला, बालवालिका तथा जेष्ठ नागरिक शाखा मार्फत विभिन्न प्रकृतिको अपांगता भएका २० जनालाई सहयता समाग्री वितरण गरेको हो । पालिका भित्रका १० वटा वडाका शारिरिक अपाङगता भएका एक/एक जना गरी दश जनालाई ह्वीलचियर र दश जनालाई बैशाखी प्रदान गरिएको महिला बालवालिका तथा जेष्ठ नागरिक शाखा प्रमुख सितादेवी गैह्रेले बताइन ।
सहायता सामाग्री नगरप्रमुख खड्गबहादुर गुरुङले अपाङ्गता भएका व्यक्ति तथा उनिहरुका संरक्षकलाई हस्तान्तरण गरेका थिए । कार्यक्रममा नगरपालिका उपप्रमुख पुष्पराज खनाल, कार्यपालिका सदस्यहरु लगायतको उपस्थिती रहेको थियो ।
राइनास नगरपालिकामा करिव चार सय जना विभिन्न प्रकृतिका अपांगता भएका व्यक्ति रहेको तथ्याक भएपनि अपांगता परिचयपत्र लिनेको संख्या भने २ सय ४८ जना मात्र रहेका छन् । जसमध्ये रातो कार्ड लिने क वर्गको अपांगता भएका १८ जना महिला र ३१ पुरुष गरि ४९ जना रहेका छन् ।
निलो कार्ड लिने ख वर्गको अपांगता भएका १ सय ५२ जना छन् । सो मध्ये महिला ६४ र पुरुष ८८ जना रहेका छन् । ग वर्गको अपांगता भएका १३ महिला २० पुरुष गरी ३३ जना रहेका छन् भने घ वर्गको अपांगता भएका पाँच महिला ९ पुरुष गरी १४ जना रहेका छन् ।
ग र घ वर्गको अपांगता भएका व्यक्तिहरुलाई क्रमश पहेँलो र सेता कार्ड प्रदान गरिन्छ । क र ख वर्गको अपाङ्गता भएका व्यक्तिहरुलाई सरकारले मासिक रुपमा समाजिक सुरक्षा भत्ता उपलव्ध गराउने प्रमुख प्रशासकीय अधिकृत गाेकर्णराज सुयलले जानकारी दिए। ग र घ वर्गको अपांगता भएका व्यक्तिहरुलाई सरकारले दिन सेवा सुविधामा मात्र छुटको व्यवस्था गरेको छ ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
