लमजुङ । लमजुङ सदरमुकाम बेसीसहरमा प्रथम खेलकुँद तथा साँस्कृतिक महोत्सव आयोजना गरिने भएको छ । फागुनको पहिलो साता महोत्सव आयोजना गरिन लागेको हो ।
भलिबल, कराँते, छेलोलगायतका विभिन्न खेल र स्थानीय संस्कृतिको प्रचारप्रचार गर्न फागुनको ६ गतेदेखि १८ गतेसम्म महोत्सव आयोजना गर्न लागिएको जिल्ला खेलकुँद विकास समिति लमजुङले जानकारी दिएको छ । युवालाई खेल, संस्कृति र ब्यवसायतर्फ आकर्षित गर्न महोत्सवले भूमिका खेल्ने आयोजक समितिका अध्यक्ष योगबहादुर गुरुङले बताउनुभयो ।
“महोत्सवको माध्यमबाट पर्यटन प्रबद्र्धन गरी जिल्लाको आर्थिक विकासमा टेवा पु¥याउनुको साथै खेल पूर्वाधारको विकासमा लगानीको वातावरण बनाउने उदेश्य लिएका छौं”, गुरुङले भन्नुभयो, “महोत्सवबाट भएको आम्दानीले बेसीसहरमा रहेको सहजी खेल मैदान विस्तारका लागि थप जग्गा खरिद गर्ने योजना बनाएका छौं ।”
महोत्सवमा जिल्लास्तरीय पुरुष तथा महिला भलिबल, विद्यालयस्तरीय कराँते प्रतियोगिता, छेलो तथा स्नुकर प्रतियोगिता, आमा समूहको सामूहिक नृत्य प्रतियोगिता आयोजना गरिने जिल्ला खेलकुँद विकास समितिका सदस्य सिजन श्रेष्ठले जानकारी दिनुभयो । प्रतियोगितामा पुरुष भलिबल प्रतियोगितामा प्रथम हुनेले ५० हजार, द्धितियलाई ३० हजारको साथमा ट्रफि, मेडल र प्रमाणपत्र दिइनेछ । महिला भलिबल प्रतियोगितामा प्रथम हुनेले नगद ३० हजार र द्धितिय हुनेले नगद ३० हजार ट्रफि, मेडल र प्रमाणपत्र पाउनेछन् ।
यसैगरी कराँतेतर्फ प्रथम पुरस्कार ३० हजार, द्धितीय पुरस्कार २० हजार र तृतिय पुरस्कार १० हजार राखिएको छ । छेलोतर्फ प्रथम पुरस्कार १५ हजार र द्धितिय पुरस्कार १० हजार राखिएको छ । आमासमूह नृत्यमा प्रथम पुरस्कार ३० हजार, द्धितिय पुरस्कार २० हजार, तृतीय पुरस्कार १० हजार र सान्तवना पुरस्कार दुई टिमलाई ५÷५ हजार राखिएको छ । यसैगरी स्नुकर प्रतियोगितामा प्रथम हुनेलाई ३० हजार, द्धितीय हुनेलाई २० हजार र बेष्ट ब्रेकरलाई १० हजार पुरस्कार ब्यवस्था गरिएको आयोजक समितिका सदस्य राजु अर्यालले जानकारी दिनुभयो ।
महोत्सवमा औद्योगिक तथा ब्यापारिक प्रर्दशनी, स्थानीय घरेलु तथा हस्तकला प्रर्दशनी, कृषि, पशु तथा जडीबुटी प्रर्दशनी, साँस्कृतिक झाँकी तथा ¥याली, परम्परागत खाना महोत्सव, राष्ट्रिय तथा स्थानीय कलाकारहरुको प्रस्तुती, बाल उद्यान, पर्यटन प्याकेज टुर जस्ता कार्यक्रम राखिएको गण्डकी प्रदेश खेलकुँद परिषद सदस्य दिवाकर बरालले जानकारी दिनुभयो ।
बेसीसहरको सहजी खेलमैदानमा सञ्चालन हुने महोत्सवमा दुईसय स्टल राखिने छन् । करिब छ लाख दर्शकले अबलोकन गर्ने अपेक्षा गरिएको महोत्सवबाट करिब डेढ करोड रुपियाँ आम्दानी हुने अपेक्षा राखिएको आयोजक समितिका कोषाध्यक्ष प्रल्हाद बोहोराले जानकारी दिनुभयो ।
