लमजुङ । युरोपियन लिगको यात्रा तय गरेकी राष्ट्रिय फुटबल खेलाडी सावित्रा भण्डारीलाई लमजुङको मर्स्याङ्दी गाउँपालिकाले सम्मान गरेकाे छ ।
सावित्राकाे गृह पालिका समेत रहेकाे मर्स्याङ्दी गाउँपालिकाका अध्यक्ष अर्जुन गुरूङ, उपाध्यक्ष जुनामाया थापा, प्रमुख प्रशासकीय अधिकृत ताराबहादुर तामाङले साेमबार सम्मान गरेका हुन् । सम्मानसंगै उनकाे युराेप खेलयात्राकाे शुभकामना समेत दिईयाे ।
लमजुङको मर्स्याङ्दी गाउँपालिकाकाे वडा नं. ९ पामचाेकमा सामान्य परिवारमा जन्मिएकी सावित्रा भण्डारी दक्षिण एसियाली फुटबलको ताराका रुपमा स्थापित छन् । उनी साम्बा, सुपरस्टार र गोल मसिन जस्ता उपनामले परिचित छिन् ।
सावित्राकाे युराेपियन लिग यात्राले गाउँपालिका हर्षित र गाैरवान्वित भएकाे भन्दै मर्स्याङ्दी गाउँपालिकाका अध्यक्ष अर्जुन गुरूङले खुसी ब्यक्त गरे । उनले अझ ठुलाे प्रगतिकाे शुभकामना दिए ।
गाउँकाे बाँझो बारीमा मोजाको फुटबल खेलेर आफ्नो प्रतिभा निर्खादै अगाडि बढ्ने क्रममा घरेलु प्रतियोगिता, विभागीय टिम एपीएफ, भारतीय लिग खेलेकी साम्बाले युरोपियन लिगको यात्रा तय गर्ने पक्का भएको छ । साम्बा भर्खरै युरोपियन क्लब हाइपोल रानानामा अनुबन्ध भएकी छन् । युरोपियन क्लबमा आबद्ध हुने उनी पहिलो नेपाली खेलाडी हुन् ।
उनले आफुँजस्तै धेरै सावित्राहरू गाउँ गाउँमा रहेकाले उनीहरूकाे प्रतिभा प्रस्फुटन गराउन राज्यले अग्रसरता देखाउनुपर्ने सुझाव दिईन ।
सावित्राले राष्ट्रिय फुटबल टिममा २०१४ मा पाकिस्तानमा भएकाे सार्क च्याम्पियनसिपबाट डेब्यु गरेकि थिईन । उनकाे क्याप संख्या ४४ पुग्दा गाेल संख्या ४३ पुगेकाे छ । घरेलु लिगमा सर्बाधिक सफल मात्र हैन, दुई फरक क्लबबाट तीन पटक भारतीय लिग जितेकी सावित्राकाे आसन्न युराेप लिग यात्राले अन्य खेलाडीलाई पनि प्रेरणा दिन सक्छ ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
