नेकपा एमाले निकट अखिल नेपाल किसान महासंघ मर्स्याङ्दी गाउँ कमिटीको अध्यक्षमा भिष्मकान्त कुईकेल चयन भएका छन् ।
आईतबार मर्स्याङ्दी गाउँपालिका-८ भुलभुलेमा भएकाे दाेस्राे अधिवेशनले कुईकेलकाे अध्यक्षमा २१ सदस्यीय कमिटी चयन गरेकाे हाे ।
महासंघकाे उपाध्यक्षमा सुर्यकला कार्की, सचिवमा आनन्द गुरूङ, सहसचिवमा सुरज अधिकारी, र काेषाध्यक्षमा पवित्रा गुरूङ चयन भएका छन ।
यसैगरी सदस्यहरूमा रमन्द गुरूङ, टु बहादुर गुरूङ, उमरबहादुर गुरूङ, रूद्रबहादुर गुरूङ, पुर्णबहादुर तामाङ, आईतसिँ गुरूङ, शिवजी गुरूङ, मिनराशी गुरूङ, प्रेमबहादुर गुरूङ, डम्वरजंग तामाङ, मिनबहादुर गुरूङ, गञ्जसिं तामाङ, चिनबहादुर तामाङ, चिनबहादुर अधिकारी, सिङरास तामाङ, शारदा पाण्डे रहेका छन् ।
अधिवेशनलाई संवाेधन गर्दै प्रमुख अतिथि नेकपा एमालेका केन्द्रीय सदस्य एवं संविधानसभा सदस्य जमीन्द्रमान घलेले किसानहरूकाे क्रियाशिलताले पार्टीलाई थप मजवुत बनाउने बताए । किसानका समस्या र हकहितका विषयमा महासंघ सदैव क्रियाशिल बन्नुपर्ने उनले सुझाव दिए । पार्टीमा आवद्व सबै किसानहरू ब्यवसायिक बन्नुपर्नेमा उनले जाेड दिए ।
जिल्ला कमिटी सदस्य एवं गाउँपालिका अध्यक्ष अर्जुन गुरूङले किसानकाे हितका लागि उत्पादनमा आधारित अनुदानकाे ब्यवस्था गरिएकाे बताए । उनले सबै किसानलाई समेट्न कृषक प्राेत्साहन भत्ताकाे ब्यवस्था गर्न कार्यविधि बनाउन लागिएकाे जानकारी दिए ।
कार्यक्रममा जिल्ला कमिटी सदस्यद्वय महेन्द्र थापा र नवीनराज कुईकेल, किसान महासंघका जिल्ला सदस्य नारायण तामाङले किसानकाे समस्या पहिचान र बजारीकरणमा राज्य संवेदनशील बन्नुपर्ने धारणा राखे ।
महासंघका उपाध्यक्ष सुर्यकला कार्कीकाे अध्यक्षतामा भएकाे कार्यक्रमकाे सहजीकरण सचिव उमरबहादुर गुरूङले गरेका थिए । महासंघकाे जिल्ला अधिवेशन फागुन १३ गते बेसीसहरमा हुनेभएकाे छ ।
