लमजुङको पूर्व पश्चिम उच्च पहाडी रणनैतिक सडकखण्डको कालोपत्रे योजनाकाे शिलान्यास गरिएकाे छ । दूधपोखरी गाउँलिकाको सामघडेरीमा पूर्वमन्त्री एवं (नेकपा माओबादी केन्द्र)का महासचिव देव प्रसाद गुरुङले मंसिर २३ गते शिलान्यास गरेका छन् ।
माओबादी नेता देव प्रसाद गुरुङले आफ्नो कार्यकालमा राताे कितावमा समावेश गरेको एक संघीय निर्वाचन क्षेत्र एक रणनैतिक सडक अन्तर्गतको उक्त सडकले कुनाघाट (विचौर)– भुम्लीचोक– फुलङ्गिरी– जोर्ने– गौंडा–मञ्ज्याङ– नौथर– शेरा– चिति– तिलाहार– बाँझाखेत– वेसीशहर– बाग्लुपानी– कपुरगाउँ– मालिङ– भोजे– पसगाउँ हुँदै सिंदी जोडेको छ । २०७६ सालदेखि स्थानीय पूर्वाधार विकास अन्तर्गत आउने बजेट काटिएपछि प्रत्येक निर्वाचन क्षेत्रमा एक/एक सडक निर्माण गर्ने गरी बजेट विनियोजन गरिएको थियो ।
सडकको शिलान्यास गर्दै प्रमुख अतिथि देव प्रसाद गुरुङले यो सडकमा कुनाघाटमा एउटा पूल निर्माण गरिदिंदा सडकले गोर्खा सम्म जोड्न सक्छ भन्ने योजना लिएर काम शुरुवात गरिएको बताए । नेता गुरुङले आफूले प्रतिनिधि सभा सदस्य रहँदा जिल्लाको विकासको निम्ति लागि परेको बताउँदै जिल्लाको भूगोल पूर्व पश्चिम फैलिएको र सदरमुकामलाई समेत जोड्ने गरेर यो सडकको अवधारणा ल्याएको बताए ।
कार्यक्रममा विशेष अथिति दूधपोखरी गाउँपालिकाका प्रमख धन प्रसाद गुरुङ, उपप्रमुख क्षेत्र बहादुर गुरुङ लगायत वडा अध्यक्षहरू अमर गुरुङ, श्याम गुरुङ, ओम बहादुर गुरुङको उपस्थिति रहेकाे देव गुरूङका स्वकिय सचिव कमल खड्काले जानकारी दिए ।
उक्त पूर्व पश्चिम उच्च पहाडी रणनैतिक सडक योजना ४० करोड रुपैयाँको लागतमा वहुवर्षिय ठेक्का अन्तर्गत बन्न लागेको बताइएको छ । साे सडक निर्माण सर्व उद्दार जीवन दानवा अंशुवि जेभि प्रालिले गर्न लागेकाे सडक डिभिजन दमाैलीका ईन्जिनियर सञ्जिव श्रेष्ठले बताए ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
