लमजुङ । तामाङ समुदायको संस्कार र संस्कृति संरक्षणका लागि लमजुङ सदरमुकाम बेसीशहरमा शनिबार तामाङ साँस्कृतिक उत्सव कार्यक्रम भएको छ ।
तामाङ समूदायको नयाँ वर्ष २८६१ औँ सोनाम ल्होसारको अवसरमा लमजुङभर छरिएर रहेका तामाङ समुदाय मिलेर शनिबार बेसीसहरमा साँस्कृतिक उत्सव मनाएका हुन् ।
नेपाल तामाङ घेदुङ् जिल्ला समन्वय समिति लमजुङका अध्यक्ष होमरास तामाङले तामाङ समूदायको वर्गचक्र अनुसार डुल ल्हो (नाग वर्ग) को अवसरमा साँस्कृतिक उत्सव कार्यक्रम गरिएको बताउनुभयो ।
“भाषा लिपि मौलिक संस्कृति तामाङको पहिचान, उत्पादन, निर्माण र समृद्धि हाम्रो साझा अभियान” भन्ने मूल नाराका साथ आयोजित साँस्कृतिक उत्सव कार्यक्रममा तामाङ जातिको परम्परागत रुपमा प्रयोग हुँदै आईरहेको भेषभुषा, बाजागाजा, बोम्वो, ताम्वा, लामा, गन्वा नाँच प्रदर्शन गरिएको थियो । उत्सवमा तामाङ समूदायमा प्रचलित परम्परागत खाना, साहित्यिक कार्यक्रम, झाँकी तथा ¥याली प्रदर्शन, स्थानीय तथा राष्ट्रिय कलाकारहरुको प्रस्तुती रहेको थियो ।
सामान्यतय मान्यजनबाट आशिर्वाद लिने, आफन्तसँग भेटघाट गरी मीठा–मीठा परिकार खाने खुवाउने र नाचगान गरि ल्होसार मनाउने गरिन्छ । विभिन्न ठाउँमा छरिएर रहेका तामाङ समूदायलाई एकठाउँमा जम्मा गरी एकता र भातृत्वका लागि साँस्कृतिक उत्सव आयोजना गरिएको आयोजक समितिका सचिव आशिष तामाङले बताउनुभयो ।
“तामाङ भाषा, सँस्कृृति विस्तारै हराउँदै छ । यसको जगेर्ना गर्न उत्सव गरेका हौं ।” अध्यक्ष होमरास तामाङले भन्नुभयो, “उत्सवबाट मौलिक सँस्कृतिको प्रवद्र्धन र प्रचार भएको छ ।” यस्ता कार्यक्रमले तामाङको भाषा, कला र सँस्कार सँस्कृतिको जगेर्ना गर्न सहयोग पुगेको उहाँले बताउनुभयो ।
उत्सवले तामाङ संस्कार र संस्कृतिलाई नयाँ पुस्तामा हस्तान्तरण गर्न पनि सहयोग पुगेको आयोजकको दावी छ । ल्होसार उत्सवको गण्डकी प्रदेशका वन तथा वातावरण मन्त्री भेषबहादुर पौडेलले उद्घाटन गर्नुभएको थियो । उहाँले सबै जातजातिको संस्कृति र पहिचान जोगाउन गण्डकी प्रदेश सरकार प्रतिबद्ध रहेको बताउनुभयो । कार्यक्रममा प्रदेश सभा सदस्य यशोदा रिमाल, जिल्ला समन्वय समितिका प्रमुख पुर्णबहादुर गुरुङ, बेसीसहर नगरपालिकाका प्रमुख गुमानसिंह अर्याल, मस्र्याङ्दी गाउँपालिकाका अध्यक्ष अर्जुन गुरुङ, क्ब्होँलासोँथर गाउँपालिकाका अध्यक्ष सुर्य गुरुङसहितका अतिथीहरुको सहभागिता थियो ।
