लमजुङ । हावाहुरीले लमजुङको मर्स्याङ्दी गाउँपालिका-९ पामचोकमा रहेको सरस्वती सदन आधारभूत विद्यालयको छानो उडाएको छ ।
मंगलबार साँझ ५ बजेतिर आएको हावाहुरी र पानीले विद्यालयको ८६ वटा जस्ता उडाएर काम नलाग्ने बनाएको प्रधानाध्यापक रामचन्द्र घिमिरेले बताए । उनका अनुसार हावाहुरीले विद्यालयको छानो उडाउनुका साथै बाल कक्षा र यूकेजी कक्ष जलमग्न बनाएको छ।
कक्षाकोठामा विछ्याइएका म्याट्रेस, कार्पेट, भित्ताका लेखनहरू, भित्तामा राखिएका विभिन्न पाठ्यसामग्री नष्ट पारेको घिमिरेले बताए ।
‘हावाहुरीले उडाएका जस्ता काम नलाग्ने बनाएको छ । नयाँ राख्न विभिन्न निकायमा हारगुहार गरेका छाैं´, प्रधानाध्यापक घिमिरेले भने। बुधबार बिहान विद्यालय व्यवस्थापन समितिको बैठक बसेर जिल्ला विपद् व्यवस्थापन समिति, स्थानीय सरकार, विभिन्न संघसंस्थालाई सहयोग माग गर्ने निर्णय गरिएको उनले बताए ।
२०३० सालमा स्थापना भएको विद्यालयले चालु शैक्षिक सत्रबाट बालबालिकाको वृद्धि विकास र पठनपाठनलाई सहजीकरण गर्न किन्डरगार्डेन कक्षा सञ्चालन गर्ने र प्रथामिक तहमा अंग्रेजी माध्यमवाट पठन पाठन सञ्चालनको तयारी गरेको थियाे । शैक्षिक सत्र सुरु भएर भर्ना अभियान चलिरहेकाे बेला विपदमा पर्दा समस्या थपिएकाे विद्यालय ब्यवस्थापन समितिका अध्यक्ष रामबहादुर परियारले बताए ।
अन्नपूर्ण पदमार्ग घुम्न आएका पर्यटकलाई एक्यापकाे स्वागत !
अन्नपूर्ण संरक्षण क्षेत्र आयोजना (एक्याप), इलाका संरक्षण कार्यालय भुजुङले मर्स्याङ्दी गाउँपालिका ९, सिम्पानी बगैंचामा रहेको पर्यटक प्रवेश शुल्क केन्द्र, चेक...
