लमजुङ । मर्स्याङ्दी गाउँपालिका-२, घनपोखराको केकेम खेलमैदानमा आयोजित १६ औं युनाइटेड कप फुटवल प्रतियोगिताको उपाधी आयोजककाे पाेल्टामा गएकाे छ ।
फाईनल खेलमा मर्स्याङ्दी ५, घेर्मुलाई ट्राईबेकरमा हराउँदै मर्स्याङ्दी- घनपाेखराकाे युनाइटेड विच युवा क्लवले उपाधी चुमेकाे हाे । उपाधी जितेको आयोजकले नगद १ लाख रुपैयाँ, युनाइटेड कप, जनही स्वर्ण पदक र प्रमाण पत्र पाएको छ । उपविजेता घेर्मुले नगद ६० हजार रुपैयाँ, जनही रजत पदक र प्रमाण पत्र पाएको छ ।
शनिबार फाइनलको निर्धारित समयमा दुबै टिमले कुनै पनि गोल गर्न नसकेपछि टाइब्रेकरमा मर्स्याङ्दी २ ले मर्स्याङ्दी ५ लाई ३–२ गोलले हराएको हो ।
प्रतियोगिताभर वडा नं. ५ का प्रमोद गुरुङ उत्कृष्ट खेलाडी घोषित भएका छन् । मर्स्याङ्दी-६ का आश्विन गुरुङ (जोर्डन) सर्वाधिक गोलकर्ता घोषित भएका छन् । दुवैले ५–५ हजार रुपैयाँ नगद र स्वर्णपदक पाएका छन् ।
महिला कुर्चीचाल प्रतियोगितातर्फ मर्स्याङ्दी गाउँपालिका ३, खुदीका विद्या लामा प्रथम भईन । पुरुष कुर्चीचाल प्रतियोगितामा पनि खुदीकै सुनिल तामाङ प्रथम भए । डोरी तान्ने प्रतियोगितामा दूधपोखरी युवा क्लव प्रोवी मर्स्याङ्दी-२ प्रथम भयाे । कालिज टिपाइमा पनि प्रोवीकै नवीन तामाङ प्रथम भए।
युनाइटेड बिच युवा क्लव घनपोखराले तमू ल्होसार पर्व २०८० को अवसरमा पुस १ गतेबाट ७ गतेसम्म आयोजना गरेको १६ औं युनाइटेड बिच फुटवल प्रतियोगितामा १६ टिमले सहभागिता जनाएका थिए ।
विजयी टिम र खेलाडीलाई मर्स्याङ्दी गाउँपालिका २ का वडाअध्यक्ष चेतबहादुर गुरुङ, माथिल्लो खुदी जलविद्युत आयोजनाका जनसम्पर्क अधिकृत कृष्णदास श्रेष्ठ, आयोजक युनाइटेड बिच युवा क्लवका अध्यक्ष भक्तबहादुर गुरुङलगायतले पुरस्कार वितरण गरेका थिए भने कार्यक्रमको सञ्चालन क्लवका सचिव पुष्पराज गुरुङले गरेका थिए ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
