लमजुङ । २०८० साउन १८ गते साँझ मर्स्याङ्दी गाउँपालिका-९ तल्लाे पामचाेकमा भएकाे जुवाकाे स्टिङ अपरेसनमा बरामद मध्ये केही रकम प्रहरी आफैले लिएकाे फुटेज बाहिरिएकाे छ ।
साे अपरेसनमा संलग्न ४ जना प्रहरीले बरामद केही रकम बाड्न खाजेकाे सिसिटिभी फुटेज बाहिरिएकाे हाे । प्रहरी स्राेतका अनुसार साे दिनकाे अपरेसनबाट बरामद रकम राख्ने जिम्मा प्रहरी सहायक निरिक्षक गणेश भण्डारीलाई थियाे । उनकै नेतृत्वमा प्रहरी सहायक हबल्दार दिपकबावु गिरी, जवान जेसन गुरूङ र सञ्जिव मगर पहिलाे अपरेसन टाेलिमा खटिएकाे थियाे ।
चार जनाकाे टाेलीले जुवा खाल सिल गरेपछि प्रहरी निरिक्षक बुद्वी सुवेदीकाे नेतृत्वकाे टाेली घटनास्थल पुगेकाे थियाे । घटनास्थलबाट पक्राउ परेका २२ जना जुवाडे, बरामद भएकाे पैसा र काैडा प्रहरी कार्यालय लगिएकाे थियाे । घटनाकाे बारेमा सुचना दिन निकै गाह्राे मानेकाे प्रहरीले सुरूमा साँढे ४ लाख जति मात्र बरामद भएकाे बतायाे । भाेलिपल्ट एक जुवाडेकाे पेन्टीभित्र केही रकम लुकाएकाे फेला परेकाे सुचना बाहिरियाे । र प्रहरीले जुवा खालबाट ५ लाख ७० रूपियाँ बरामद भएकाे प्रेस रिलिज जारी गर्याे ।
याे त प्रहरीकाे कुरा भयाे । तर, बाहिर भने खालमा १० लाख भन्दा बढी रकम भएकाे सुचना बाहिरिएकाे थियाे । हामिले पनि बढि रकम भएकाे सुचना बाहिरिएकाे समाचार लेखेका थियाैं । तर, यसकाे प्रमाण थिएन ।
यसअघि पनि जुवाखालमा बरामद रकम पुरै नदेखाउने गरेकाे बताईने गरेकाे थियाे । त्यतिबेला न जुवाडेले आफुहरूबाट बढी रकम लगिएकाे बारे बयान दिन सक्थे नत अरू कुनै प्रमाण हुन्थ्याे ।
यसपटक भने केही रकम लुकाएर बाड्न खाेजेकाे फुटेज बाहिरिएपछि प्रहरीकाे नियतमाथि प्रश्न उठ्न थालेकाे छ ।
बेसीसहरकाे शेरास्थित एक हाेटलबाट बाहिरिएकाे सिसिटिभि फुटेजमा चार जना प्रहरीहरु रकम बाढ्न लागेकाे देखिन्छ ।
राती १२ बजे हाेटल पुगेका प्रहरीले २ प्याक खुकुरी रम, २ बोत्तल वियर, चुरोट र २ वटा फ्राई राईस खाएका थिए । उनिहरूले हाेटलमा सिसिटिभी भएकाे चाल पाएपछि रकम नबाडी हिडेका थिए ।
प्रहरी निरिक्षक बुद्वी सुवेदीका अनुसार त्यो दिनकाे जुवाखालको सबै पैसाको जिम्मा प्रहरी सहायक निरिक्षक भण्डारीलाई नै दिईएकाे थियाे । उक्त रकम झुक्किएर भण्डारीसंग परेको र पछि कार्यालयमा बुझाएकाे प्रहरीकाे भनाई छ ।
तर जुवा खालमा मुचुल्का गरिसकेको रकम मध्यरातमा हाेटलमा पुगेर बाँडफाँड गर्ने अवस्थामा देखिनुले प्रहरीकाे नियतमाथी प्रश्न उब्जाएको सर्वसाधरण नागरिक बताउँछन् ।
याे भिडियाेबारे प्रहरी धेरैअघि जानकार पनि थियाे । मात्रै कहिले बाहिरिन्छ भनेर कुरि बसेकाे स्राेत बताउँछ । जुवाडे छुटाउन विभिन्न ब्यक्तिबाट प्रहरीलाई दवाव थियाे । यतिसम्म कि नछाेडे आत्महत्या गर्नेसम्मका घुर्की प्रहरीलाई देखाएकाे थियाे । सरूवा र अरू प्रलाेभन पनि नभएका हाेईनन ।
त्यसाे त जुवा खालमै भएकाे रकम आधा आधा गर्ने र आफुहरूलाई छाेड्नुपर्ने जुवाडेबाट प्रस्ताव राखिएकाे प्रहरी बताउँछ । कि छाेड्नुपर्ने कि ढाेका ताेडेर भाग्ने धम्की दिँदा गाेली चलाउने चेतावनी दिएर प्रहरीले हाेल्ड गरिराखेकाे स्राेत बताउँछ।
७ दिन हिरासत बस्नपर्दा जुवाडेहरू निकै रुष्ट थिए । उनिहरूलाई याे प्रमाण हिरासत भित्रै पुगेकाे थियाे ।
उनीहरूसँग भदाै २७ गते पु:न बयानकाे लागि दिन ताेकिएकाे छ । साे दिन घटनाले कस्ताे रूप लिन्छ भन्ने सर्वत्र चासाे छ ।
