लमजुङ । नेकपा (एमाले) काे जनवर्गीय संगठन अखिल नेपाल किसान महासंघले लम्पी स्किन रोगलाई महामारीको घोषणा गरी द्रुत गतिमा उपचार गरी रोगको नियन्त्रण गर्न माग गरेकाे छ ।
पछिल्लो समयमा पशु चौपायामा लागेको लम्पी स्किन रोग लगायतका किसानका मुद्दालाई समेटेर संगठनले लमजुङका ८ वटै पालिकामा २३ बुँदे ज्ञापनपत्र बुझाएको छ ।
‘रोगको कारण पशु चौपाया मरेर मारमा परेका किसानलाई राहत, क्षतिपूर्ति र पुनःस्थापना सहितको प्याकेज कार्यक्रम अविलम्ब घोषणा गरियोस्,’ ज्ञापनपत्रमा भनिएको छ, ‘मरेका पशुका बिमा भुक्तानी तत्काल गरियोस् ।’
ज्ञापनपत्रमा बाँदर लगायतका वन्यजन्तुले बालीमा क्षति पुर्याएका किसानलाई राहत प्याकेजको व्यवस्था मिलाउन माग गरिएको किसान महासंघ लमजुङका अध्यक्ष विश्व अधिकारीले बताए ।
हरेक पालिकाको नीति तथा कार्यक्रममा कुल बजेटको २० प्रतिशत रकम कृषिमा विनियोजन गर्न माग गरेको अखिल नेपाल किसान महासंघ गण्डकीका अध्यक्ष गाेवर्द्वन गाैलीले जानकारी दिए ।
स्थानीय सरकारलाई वास्तविक किसानका लागि आवश्यक अनुदान ब्याज, निशुल्क बिमा, औषधी उपचारको व्यवस्था, रासायनिक मल, उन्नत बीऊ विजनको सहज व्यवस्था मिलाउने कार्य गर्न किसान महासंघले आग्रह गरेको छ ।
उन्नत कृषक पाठशाला स्थापना अनुरोध गर्दै किसान महासंघले १ वडा, १ कृषि प्राविधिकको व्यवस्था गर्न माग गरेको छ । ज्ञापनपत्रमा किसानलाई वर्गिकरण तथा सुचिकृत गरी किसान कार्डको व्यवस्था गर्न माग गरिएको छ ।
ठाउँ ठाउँमा कृषि संकलन केन्द्रको व्यवस्था गर्न आग्रह गर्दै ज्ञापनपत्रमा स्थानीय पालिकामा किसान आयोग गठन गरी किसानको उचित व्यवस्थापन मिलाउन पालिकालाई ध्यानाकर्षण गराएको छ । बाँझो राखिएको जग्गालाई स्थानीय सरकारले नीति निर्माण गरी खेतीको लागि किसानलाई दिने व्यवस्था मिलाउन किसान महासंघको माग छ ।
अखिल नेपाल किसान महासंघ गण्डकीका अध्यक्ष गाैलीकाे नेतृत्वकाे टोलीले सुन्दरबजार नगरपालिकाका मेयर कृष्णप्रसाद काेईरालालाई ज्ञापनपत्र बुझाएका छन् ।
एमाले नेता माेहनहरि पाैडेल, पुर्व उपप्रमुख राजकुमार श्रेष्ठलगायतले मध्यनेपाल नगरपालिकाका उपमेयर सीता गुरुङलाई ज्ञापनपत्र बुझाएको थियाे। किसान महासंघका केन्द्रीय सदस्य सिहंबहादुर थापाकाे टाेलीले बेसीसहर नगरपालिकाका मेयर गुमानसिंह अर्याललाई ज्ञापनपत्र प्रदान गरेका छन् ।
किसान महासंघ गण्डकी प्रदेश कमिटी अध्यक्ष गौलीले प्रदेशको अगुवाईमा सबै पालिकामा ज्ञापनपत्र बुझाएकाे बताए । उनले लम्पी स्कीन रोगलाई महामारीको घोषणा गरी द्रुत गतिमा उपचार गरी रोगको नियन्त्रण गर्ने लगायतका मागलाई समेटेर भदौ ७ गते गण्डकी प्रदेशका मुख्यमन्त्री सुरेन्द्रराज पाण्डेलाई ज्ञापनपत्र बुझाइने जानकारी दिए ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
