लमजुङ । चोरी डकैतीमा संलग्न तीन जनालाई मर्स्याङ्दी गाउँपालिकास्थित खुदी प्रहरीले पक्राउ गरेको छ।
मर्स्याङ्दी गाउँपालिका र बेसीसहर आसपासमा चाेरी डकैती गर्दै आएका मर्स्याङ्दी- बुद्वबजारका बर्ष २८ का काजी तामाङ, साेही स्थानका सन्ताेष परियार (साेनाम), बेसीसहर-६ भलामखाेलाका बर्ष २० का सुजन तामाङ शनिबार पक्राउ परेका हुन् ।
चाेरीमा संलग्न मर्स्याङ्दी-३ बुद्वबजारका बर्ष २५ का किरण तामाङ फरार छन् । उनकाे खाेजी भैरहेकाे खुदी प्रहरी चाैकीका ईन्चार्ज सई प्रेमचन्द्र शर्माले जानकारी दिए ।
उनीहरूले बेसीसहर-चामे सडक निर्माण कम्पनी आशिष अनेष्टका जेभीकाे तारजाली, रड, फलाम लगायतका सामाग्री चाेरी गरेर लैजादै गर्दा रङ्गेहात समातिएकाे सई शर्माले जानकारी दिए।
बेसीसहर-६ मालेबगरकाे गाेदामबाट २ सय १० केजी जाली चाेरेर मर्स्याङ्दी-९ गैरीफाँटमा रहेकाे कवाडी पसलमा बेचिएकाे पाईएकाे प्रहरीले जनाएकाे छ । करिव ३ लाख पर्ने सामान कवाडी सञ्चालक बलबहादुर परियारले ७ हजारमा किनेर लुकाएका थिए । सामान किनेर थाेत्रा कागाज, प्याक र बाेराले छाेपेर लुकाएकाे अबस्थामा बरामद गरिएकाे सई शर्माले जानकारी दिए ।
आशिष अनेष्ट जेभीका ईन्जिनियर सन्ताेष सुवेदीले पटक पटक गरेर कम्पनीकाे नाै लाख बरबरकाे सामाग्री चाेरी भएकाे बताए ।
खुदी प्रहरी चाैकी ईन्चार्ज शर्माले कबाडी सञ्चालकहरूकाे मिलेमताेमा फलाम, जाली लगायतका सामाग्री चाेरी भएकाे हुनसक्ने आशंका गरे । यसअघि पनि पालिकाका विभिन्न स्थानका मठमन्दिरबाट दियाे, कलस, घण्टा, गाग्रीलगायतका समाग्री चाेरी भएका थिए ।
पक्राउ परेकाहरूकाे अनुसन्धान सुरू गरिएकाे जिल्ला प्रहरी कार्यालय लमजुङका प्रमुख डिएसपी प्रकाश श्रीमलले जानकारी दिए ।
पछिल्लाे हप्ता बेसीसहर र वरपर सुनका गरगहना चाेरी बढेकाे छ । केही दिनअघि बेसीसहरकाे बालकुमारी अधिकारीकाे घरबाट १२ ताेला सुनका गहना चाेरी भएकाे थियाे । त्यसकाे केही दिनपछि बेसीसहर चनाैटेका ४ घरबाट १० ताेला सुन र ९ हजार नगद चाेरी भएकाे प्रहरीले जनाएकाे छ । उनीहरूकाे खाेजी भैरहेकाे प्रहरीले जनाएकाे छ ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
