कृषि ज्ञान केन्द्र लमजुङद्धारा जिल्लाका उत्कृष्ट २३ कृषक पुरस्कृत

लमजुङ । कृषि ज्ञान केन्द्र लमजु्ङले जिल्लाका २३ जना उत्कृष्ट कृषकहरुलाई पुरस्कृत गरेको छ । कार्यालयले आर्थिक वर्ष २०७९÷८० को स्वीकृत बार्षिक कार्यक्रम क्षेत्रफलमा आधारमा तरकारी खेती प्रवद्र्धन अन्तर्गत कृषकहरुलाई पुरस्कृत गरेको हो ।

कार्यालयले क्षेत्रफलको आधारमा तरकारी उत्पादन प्रोत्साहन सहयोग कार्यक्रम अन्तर्गत कृषकहरुलाई आठ हजार देखि ३० हजारसम्म नगद पुरस्कार प्रदान गरेको हो । पुरस्कृत कृषक मध्ये सवैभन्दा बढि नगद ३० हजार पाउने तीनजना रहेका छन् ।

नगद ३० हजार पुरस्कार पाउने कृषकहरुमा मध्यनेपाल–६ का जुद्धराज कार्की, मध्यनेपाल–५ का ईभन जोशी र क्ब्होँलासोँथर–८ की केशकुमारी गुरुङ रहेका छन् । त्यस्तै नगद २५ हजार पुरस्कार पाउनेमा बेसीशहर–२ की चिजामाया विश्वकर्मा र बेसीशहर–२ कै दिपेन्द्र बोहोरा रहेका छन् ।

सो बाहेक बेसीशहर–२ का शिव अधिकारीले १८ हजार रुपैया पाएका छन् भने सातजनाले नगद १५ हजार रुपैया पाएका छन् । नगद १५ हजार पुरस्कार पाउनेहरुमा क्ब्होँलासोँथर–४ की शेष कुमारी गुरुङ, मस्र्याङ्दी–९ का नवीनराज कुईकेल, बेसीशहर–१ का सीताराम लोहनी, सुन्दरवजार–९ का विष्णुकान्त अधिकारी, मस्र्याङ्दी–९ का सुर्यकला भण्डारी, बेसीशहर–११ का अर्जन पाण्डे र बेसीशहर–१० का बुद्धिराम गुरुङ रहेका छन् ।

त्यसैगरी बेसीशहर–९ की शोभा अधिकारी खत्री, बेसीशहर–१० की शोभा खत्री र दुधपोखरी–५ का हरिप्रसाद गुरुङले जनहि नगद १३ हजार रुपैया पाएका छन् । सो बाहेक सुन्दरवजार–३ की भुमिका तिवारीले १२ हजार, दोर्दी–४ की इन्द्रकुमारी पाण्डेले १० हजार, बेसीशहर–२ का दिपक पराजुलीले १० हजार, बेसीशहर–१ का रमेश बोहोराले १० हजार पाएका छन् ।

बेसीशहर–३ का हरिप्रसाद अधिकारी र मध्यनेपाल–६ की इन्दिरा पौडेलले जनहि नगद आठ हजार रुपैया पाएको कृषि ज्ञान केन्द्र लमजुङले जनाएको छ ।

एक औपचारिक कार्यक्रमका विच कृषकहरुलाई पुरस्कार वितरण भएको हो । कार्यक्रममा बोल्दै जिल्ला समन्वय समिति लमजुङका प्रमुख पुर्णबहादुर गुरुङले कृषकहरुले पाएको पुरस्कारले उत्प्रेरणा थपिने विश्वास व्यक्त गरे । कृषकहरुको दुःख तथा मिहेनत अनुसार पुरस्कार राशी थोरै भएपनि यसले अझ उत्कृष्ट व्यवसायिक कृषिका लागि प्रेरित गर्ने जिसस प्रमुख गुरुङको भनाई थियो ।

प्रमुख जिल्ला अधिकारी रामकृष्ण अधिकारीले कृषि एक व्यवसाय मात्रै नभएर जीवन जिउनका निम्ती मुख्य आधार भएको बताए । यदि कृषकहरुले उत्पादन नगर्ने हो भने मानव जिवन नचल्ने भन्दै प्रजिअ अधिकारीले कृषकहरुको दुःख र मिहेनतलाई सवैले सम्मान गर्नुपर्ने प्रजिअ अधिकारीको धारणा थियो ।

कार्यक्रममा कृषि ज्ञान केन्द्र लमजुङका प्रमुख सुदिप खतिवडाले कार्यक्रमको औचित्यमाथि प्रकाश पार्दै स्वागत मन्तव्य राखे कार्यालयका सुचना अधिकारी एवं कृषि अर्थविज्ञ मदन रेग्मीले कार्यक्रमको सहजिकरण गरेका थिए ।