लमजुङ । नेकपा एमालेका केन्द्रीय सदस्य जमीन्द्रमान घलेले सहिद सुकमान गुरूङले देखेका सपना र याेजना पूरा गर्न सबैजना लागिपर्नुपर्ने बताएका छन् ।
आईतबार मर्स्याङ्दी गाउँपालिका-३ खुदीबजारमा आयाेजित २२ अाैं सुकमान गुरूङ स्मृति दिवस कार्यक्रमलाई संबाेधन गर्दै संविधानसभा सदस्य समेत रहेका गुरूङले देशमा ब्याप्त भ्रष्टाचार, कुशासन, ढिलासुस्ती, कुरीति र सबै प्रकारका विभेदकाे अन्त्य हुँदा मात्र सहिद सुकमानप्रति सम्मान हुने बताए ।
हामी सबै उहाँले देखेकाे सपना पूरा गर्ने बाटाेमा हिड्नुपर्ने उनले बताए । अहिले आम मानिसमा नयाँ पार्टीले मात्र भ्रष्टाचारकाे मुद्वा उठाएकाे जस्ताे देखिएपनि एमालेले २३ वर्ष अघि नै यस विषयमा आन्दोलन छेडेकाे र अहिले पनि शुसासनकाे पक्षमा लडिरहेकाे उनकाे भनाई थियाे ।भ्रष्टाचारमा मुछिएका जाे काेहिलाई पनि कारबाही गर्नुपर्छ भन्नेमा आफ्नाे पार्टी एमाले दृढ रहेकाे उनले बताए ।
गाउँपालिका अध्यक्ष अर्जुन गुरूङले पालिका भित्रका सहिद तथा वेपत्ताकाे सम्मानमा प्रतिष्ठान गठन गरि काम गरिएकाे बताए । सहिद सुकमानकाे सम्मानमा हर्सिङडाडामा पार्क बनाउन सुरू गरिएकाे र त्यसलाई पूरा गर्ने प्रतिवद्वता जनाए। पालिकामा बेराेजारकाे अन्त्य, आयआर्जनमा बृद्वी गरि आर्थिक सम्वृद्वी गर्नेगरी अगाडि बढ्न खाेजिरहेकाे बताउँदै उनले आगामी बजेटकाे तयारीमा रहेकाले समेट्नुपर्ने कार्यक्रमबारे सुझाव दिन सबैमा आग्रह गरे ।
सहिद तथा बेपत्ता स्मृति प्रतिष्ठान मर्स्याङ्दी गापा-३ खुदीका अध्यक्ष दयासागर घिमिरेकाे अध्यक्षतामा भएकाे कार्यक्रममा एमाले लमजुङका उपसचिव जीतबहादुर गुरूङ, एमाले सचिवालय सदस्य एवं निवर्तमान वडाअध्यक्ष प्रेम बस्नेत, एमाले वडा नं. ३ का अध्यक्ष पुर्णसिं गुरूङ, अनेरास्ववियु मर्स्याङ्दीका अध्यक्ष पुर्ण गुरूङले स्मृति मन्तब्य राखेका थिए ।
प्रतिष्ठानका सदस्य एवं वडा नं. ३ का अध्यक्ष दुधमान तामाङले स्वागत र प्रतिष्ठानका सदस्य एवं वडा नं. ७ का अध्यक्ष तिलबहादुर गुरूङले सहजिकरण गरेका थिए ।
कार्यक्रममा पालिका उपाध्यक्ष जुनामाया थापा, वडा नं. २ का अध्यक्ष चेतबहादुर गुरूङ, कार्यपालिका सदस्य पारकाशी गुरूङ, साेमबहादुर विक, सहिद पत्नी सरस्वती गुरूङलगायत वडा सदस्यहरू, बुद्धिजीवी, ढंगै गाउँबासी अादीकाे उपस्थिति थियाे ।
२०५८ जेठ १९ गते एमालेले गरेकाे भ्रष्टाचार तथा मुल्यवृद्वी विरूद्वकाे देशब्यापी आन्दाेलनकाे क्रममा लमजुङ सदरमुकाम बेसीसहरमा प्रहरीकाे गाेली लागेर सुकमानकाे मृत्यु भएकाे थियाे । उनी त्यतिबेला तत्कालीन खुदी गाविसकाे बहालवाला अध्यक्ष थिए ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
