जिल्ला स्तरीय चौंधौं राष्ट्रपति रनिङ शिल्डको उपाधि आयोजक राईनास नगरपालिकाले प्राप्त गरेको छ ।
राईनास नगरपालिकाले प्रतियोगितामा १४ स्वर्ण ९ रजत र १५ कास्य पदक सहित प्रथम स्थान प्राप्त गरेको हो । यसैगरी दोश्रो स्थान प्राप्त गर्ने सुन्दरबजार नगरपालिकाले १२ स्वर्ण, १४ रजत र ११ कास्य पदक प्राप्त गरेको छ भने तेश्रो हुने वेसीशहर नगरपालिकाले ४ स्वर्ण ४ रजत र ७ कास्य पदक प्राप्त गरेको छ ।
प्रतियोगितामा अनुशासित खेल प्रदर्शन गरी पुरस्कृत भएको मस्र्याङ्दी गाउँपालिकाले २ स्वर्ण, २ रजत र ४ कास्य पदक प्राप्त गरेको छ । त्यस्तै दूधपोखरी गाउँपालिकाले १ रजत र १ कास्य पदक प्राप्त गरेको छ । प्रतियोगितामा दोर्दी गाउँपालिकाले ९ रजत र ३ कास्य पदक प्राप्त गर्यो भने मध्यनेपाल नगरपालिकाले ३ स्वर्ण, २ रजत र १ कास्य पदक प्राप्त गर्यो ।
यसैगरी क्होंलासोथार गाउँपालिकाले २ स्वर्ण, १ रजत र २ कास्य पदक प्राप्त गरेको छ । क्व्हाेंलासाेंथरले अर्को बर्षको जिल्लास्तरीय पन्ध्रौं राष्ट्रपति रनिङ शिल्ड खेलको आयोजना गर्नेछ ।
प्रतियोगितामा पुरस्कृत खेलाडीहरुलाई मंगलबार राईनास नगरपालिकाका नगर प्रमुख खड्ग बहादुर गुरुङ र सुन्दरबजार नगरपालिकाका नगर प्रमुख कृष्ण प्रसाद कोइरालाले संयुक्त रुपमा पुरस्कार तथा प्रमाण पत्र प्रदान गरेका थिए ।
प्रतियोगितामा प्रथम हुने पालिकालाई २० हजार रुपैयाँ नगद, रनिङ शिल्ड, ट्रफी र विद्यार्थीहरुलाई मेडल तथा प्रमाण पत्र प्रदान गरिएको थियो । त्यसैगरी द्वितीय हुने पालिकालाई १५ हजार रुपैयाँ नगद तथा ट्रफी, विद्यार्थीहरुलाई मेडल र प्रमाण पत्र तथा तृतीयलाई १० हजार रुपैयाँ नगद, ट्रफी तथा विद्यार्थीलाई मेडल र प्रमाण पत्र प्रदान गरिएको थियो ।
कार्यक्रम समापनको अवसरमा बोल्दै प्रमुख अतिथि राईनास नगरपालिकाका प्रमुख खड्ग बहादुर गुरुङले खेलाडीले खेल प्रदर्शन मार्फत राष्ट्रको ईज्जत राख्न सहयोग गर्ने भएकोले खेलाडीहरुलाई पालिकाले हौसला प्रदान गर्नुपर्ने बताए । जिल्लामा विजयी भएका खेलाडीहरुलाई क्षेत्रीय स्तरको खेलमा जिल्लाको नाम राख्ने गरी तयारी गर्न सबै पालिका तथा सम्बन्धित विद्यालयलाई आग्रह गरेका थिए ।
समापनको अवसरमा बोल्दै विशेष अतिथि सुन्दरबजार नगरपालिकाका नगर प्रमुख कृष्ण प्रसाद कोइरालाले खेलको माध्यमबाट मानसिक र शारीरिक विकास हुने भएकोले अनुशासनको आवश्यकता पर्ने भन्दै अनुशासित तवरले खेल प्रदर्शन गर्ने खेलाडीहरुलाई आफूलाई अब्बल दर्जाको खेलाडीको रुपमा प्रस्तुत हुन र आगामी दिनमा अझै प्रगति गर्न शुभकामना दिए ।
प्रतियाेगिता राईनास नगरपालिकाकाे गौलीटार क्षेत्रीय खेल मैदानमा आयोजना गरिएको थियाे ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
