लमजुङको सदरमुकाम बेसीसहरसहित वरपरका भ्यु हेरेर स्वादिष्ट परिकार खाने ईच्छा छ ? तपाईकाे ईच्छा द आईटारी हाेटल एण्ड रेष्टुरेन्ट सञ्चालनमा ल्याएर दुई युवाले पूरा गरिदिएका छन् । बेंसीशहर नगरपालिका ९ आँगेटारीमा सञ्चालनमा ल्याईएकाे द आईटारी होटल एण्ड रेष्टुरेष्टमा मनाेरम भ्यु, शान्त वातावरण र स्वादिष्ट परिकारकाे समिश्रण छ । यहाँ आउने ग्राहकले चील पारामा स्वादिष्ट परिकारकाे स्वाद लिन पाउनेछन् ।
वेसीसहर-९ पाखाथोकका कुमार अर्याल र आयुश दिक्षितले उक्त रेष्टुरेष्ट सञ्चालनमा ल्याएका हुन् । सञ्चालक कुमार अर्यालका अनुसार रेष्टुरेष्टका लागि २ तले भवन निर्माण गरिएको छ । मिटिङ हल निर्माणको चरणमा छ । सुरुवातमा बास बस्नका लागि दुई कोठा तयार पारिएको छ । दुई कोठा निर्माण गरिँदै छ । कटेज निर्माणको चरणमा छ । करिव ६५ लाख रुपियाँमा रेष्टुरेष्ट सञ्चालन गरिएको उनले बताए । संरचना बढाउँदै जाँदा लगानी पनि बढाउँदै लैजाने अर्यालले बताए।
पर्यटकलाई लक्षित गरेर रेष्टुरेष्ट सञ्चालन गरिएको अर्यालले बताए । रेष्टुरेष्ट पर्यटकीय गाउँ घलेगाउँ, भुजुङ जाने बाटो पर्ने भएकाले उक्त बाटो आउजाउ गर्ने पर्यटकलाई सहज हुने छ । बेंसीशहरबाट नजिकै भएकाले बेंसीशहरका नागरिकलाई पनि त्यहाँ जान सहज हुनेछ ।
सञ्चालक आयुश दिक्षितका अनुसार ७ रोपनी जग्गामा संरचना बनेको छ । रेष्टुरेष्टमा सम्पूर्ण रेष्टुरेष्ट आइटमहरु सुपथ मूल्यमा पाइनेछ। हाल ४ जनालाई रोजगार प्रदान गरिएको छ । विवाह, पार्टी, गोष्ठी, कार्यक्रम गर्न पनि सहज हुने छ ।
रेष्टुरेन्ट पुगेका पर्यटन प्रवर्दक एवं पुर्व वडाअध्यक्ष सुमन गुरूङले स्वादिष्ट परिकार र मनाेरम दृश्यले मन लाेभ्याएकाे बताए ।
उक्त रेष्टुरेष्टको उद्घाटन गर्दै बेंसीशहर नगरपालिका प्रमुख गुमानसिंह अर्यालले दुई युवाले वडा र नगरपालिकाको पर्यटन विकासमा सघाउ पुग्ने काम गरेको बताए । उक्त क्षेत्र आउने पर्यटकलाई सहज हुने उनकाे भनाई थियाे ।व्यवसायीले ग्राहकको इच्छालाई मध्यनजर गर्नुपर्ने, फरक स्वाद र फरक व्यवस्था हुनुपर्ने उनले बताए।
उक्त क्षेत्र पर्यटकीय सम्भावना बोकेको ठाउँ रहेकाले यहाँ जिपलाइन, बम्जीजम्प, रक क्लाइम्बिङका लागि अध्ययनको चरणमा रहेको मेयर अर्यालले बताए।
उपप्रमुख पद्मा गुरुङले अहिलेका मानिसले कमाएको केही प्रतिशत रकम मनोरञ्जनमा खर्चन चाहने भएकाले यस्ता व्यवसाय आवश्यक पर्ने बताईन। नयाँ ठाउँ आउन चाहने पर्यटकलाई रेष्टुरेष्टले सहज बनाउने उनकाे भनाई थियाे ।
