फेरि मुख्यमन्त्री बनेर अपूरा काम पूरा गर्छुः पृथ्वीसुब्बा गुरुङ

लमजुङ । नेकपा एमालेका उपमहासचिव एवं प्रचार विभाग प्रमुख पृथ्वीसुब्बा गुरुङले पुनः गण्डकी प्रदेशको मुख्यमन्त्री बन्न प्रदेशमा उमेदवार बन्न लागेकाे बताएका छन् ।

गण्डकी प्रदेश सरकारमा ३ बर्षसम्म मुख्यमन्त्री भएर काम गर्दा बाँकी रहेका अधुरा काम पूरा गर्न पुनः अाँफु मुख्यमन्त्री बन्नुपर्ने उनले बताए ।

अाईतबार लमजुङ सदरमुकाम बेसीसहरमा प्रेस चाैतारी नेपालद्वारा अायाेजित पत्रकार भेटघाट कार्यक्रममा बाेल्दै नेता गुरूङले मंसिर ४ गतेकाे निर्वाचनपछि संघ र प्रदेशमा एमालेकाे सरकार बन्ने दावी गरे।

गण्डकी प्रदेशमा नेकपा एमाले विगतमा भन्दा अहिले झन बलियाे भएकाले बहुमत पुग्ने उनकाे दावि थियाे ।

संघकाे सांसद मन्त्री भएर भन्दा मुख्यमन्त्री भएर नै प्रदेशकाे विकास गर्न सम्भव हुने भएकाले अाफुँले संघमा उठ्न चाहना नराखेकाे उनकाे जिकिर थियाे।

नेकपा एमाले लमजुङले लमजुङ प्रदेश ‘ख’ बाट प्रत्यक्षमा पृथ्वीसुब्बा गुरूङसंगै जिल्ला अध्यक्ष कृष्णप्रसाद अधिकारी नाम सिफारिस गरेकाे छ ।

५ बर्षका लागि सरकारमा पुगेपनि ३ बर्षमै राजनीतिक घटना क्रमले सरकार ढल्दा अाफ्नाे याेजना पूरा गर्न नपाएकाे उनकाे भनाई छ ।

‘सुरुमा कानुन थिएन । भवन थिएन । स्रोतसाधन, बजेट थिएन । ति कुरा मिलाउन १ बर्ष लाग्यो । त्यसपछि काम सुरु भएको थियो । कोभिड महामारी अायाे, काम प्रभावित भयो’ उनले भने, ‘मेरा पालामा थालेका काम अहिले अलपत्र छ । अहिलेको सरकारले केही गरेन । अब ति काम पूरा गर्न, जनतालाई सरकारको अनुभूति गराउन पुनः मुख्यमन्त्री बन्ने सोंचमा छु । फेरी हुन चाहन्छु । जिल्लाबासीको सहयोगको अपेक्षा गर्दछु ।’

‘मैले ५ वर्ष, १० वर्ष र २५ वर्षमा के के काम गर्ने भनेर याेजना बनाएकाे थिँए । हामिले बनाएकाे अावधिक याेजना दक्षिण एसियामै उत्कृष्ट छ’ उनले भने, ‘यी याेजना पूरा गर्नपनि फेरै मेरै नेतृत्व र सरकार अावस्यक छ ।’ आफ्नो पालामा प्रदेशका ८५ स्थानीय तहका पालिका केन्द्रसम्म १२ महिना चल्ने २ लेनको बाटो बनाउन थालिएकोमा हाल अलपत्र रहेको उनले बताए । प्रदेशका ५ लाख ७८ हजार घरधुरी मध्ये ८५ हजार घरधुरीमा बिजुली नभएकाले आफ्नै पालामा बिजुली पुर्याउने, प्रदेशलाई उज्यालो प्रदेश बनाउने लक्ष्य रहेकोमा काम अधूरा भएको उनले बताए ।

एक घर एक धारा, ताल संरक्षण, जलविद्युतको विकास, सिञ्चाई, युवालाई सिपमूलक तालिम र राेजगारी, गण्डकी विश्वविद्यालय, छोरीलाई प्राविधिक शिक्षाका लागि अनुदान दिने, सुत्केरी गराउन समस्या भएका महिलालाई हेलिकप्टरबाट उद्दार, कृषि उत्पादनमा जोड, घरवास कार्यक्रम, सबै पालिकामा स्वास्थ्य केन्द्र र अस्पताल बनाउने अाफ्नाे याेजना पूरा गर्न बाँकी रहेकाे उनले बताए ।