तिजको अवसरमा बेसीसहरस्थित लमजुङ मर्स्याङ्दी युवा क्लवले आयोजना गरेको व्याडमिन्टन प्रतियोगिताको उपाधी लमजुङ साईनो समुहले जितेको छ । सो टिममा रहेका भोटेओडारका सुजन थापा र दिपक रानाको जोडिले उपाधी जितेको हो ।
क्लवका पुर्व अध्यक्ष प्रविण कुमार कायस्थको स्मृतिमा आयोजित खुल्ला युगल व्याडमिन्टन प्रतियोगितामा चितवनका राजु थापा र प्रियांशु सिँह क्षेत्रीको जोडिलाई पराजित गर्दै लमजुङ साईनो टिमले उपाधी जितेको हो । थापा र क्षेत्रीको जोडि उपविजेता भएको छ ।
प्रतियोगितामा बुटवलका गणेश थापा र विवेक न्यौपानेको जोडी सँगै कास्कीका विशाल खड्का र विधान अधिकारीको जोडि सान्तवना भएका छन् । प्रतियोगिताका बिजयीलाई शनिवार पुरस्कार वितरण गरिएकाे छ ।
प्रतियोगिताका विजेताले नगद ४० हजार सहित मेडल र प्रमाणपत्र पाएका छन् भने उपविजेताले नगद २५ हजार सहित मेडल र प्रमाणपत्र र दुई समुहले नगद १० हजार सहित मेडल र प्रमाणपत्र पुरस्कार पाएका छन् ।
बेसीशहर नगरपालिका प्रमुख गुमानसिँह अर्यालको प्रमुख अातिथ्यतामा पुरस्कार वितरण भएको हो । क्लवका कार्यबाहक अध्यक्ष विजय श्रेष्ठको अध्यक्षतामा भएको समापन कार्यक्रममा क्लवका सचिव रियाज मियाले सहजिकरण र अध्यक्ष जुन तामाङले धन्यबाद सहित समापन गरेका थिए ।
तीन दिनसम्म जारी रहेको प्रतियोगितामा ३२ टिमको सहभागिता रहेको थियो । प्रतियोगितामा लमजुङ सहित गोरखा, चितवन, बुटवल काठमाण्डौ लगायतका ठाउँबाट प्रतिष्पर्धामा सहभागिता जनाएका थिए ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
