लमजुङ । यही साता लमजुङको प्रहरी प्रमुखमा कार्यभार सम्हालेका प्रहरी नायव उपरिक्षक (डिएसपी) प्रकाश श्रीमलले जिल्लाको शान्तिसुरक्षा कायम गर्न नौ बुँदे प्राथमिकता अगाडी सारेका छन् ।
बुधबार जिल्लास्थित सञ्चारकर्मीहरुसँग परिचय तथा अन्र्तक्रिया गर्दै डिएसपी श्रीमलले आफ्नो कार्यकालमा गर्ने नौं बुँदे कार्ययोजना सुनाएका हुन् ।
उनले सुनाएका कार्ययोजनामा महिलासँग सम्वन्धित अपराध नियन्त्रण, रोकथाम तथा सचेतना, गुण्डागर्दी, मादक पदार्थ सेवन, होहल्ला, सामाजिक अपराध नियन्त्रणलाई प्राथमिकतामा राखेको बताए । यस्तै सवारी दुर्घटना न्युनिकरण, सवारीसँग सम्वन्धित नियमहरु नियमन र सचेतना, फरार प्रतिवादीहरु पक्राउ, अवैध जडिवुटी तथा अखेटोपहार ओसारपसार नियन्त्रणलाई पनि प्राथमिकतामा राखेको उनले बताए ।
यस्तै जिल्ला प्रहरी कार्यालय मातहतका कार्यलयका लागी जग्गा प्राप्ति, आवास तथा भौतिक निर्माण, उन्नत प्रहरी व्यवहारमा प्राथमिकता र प्रहरी कर्मचारीहरुमा आपसी सद्भाव, र सामाजिक सञ्जालको दुरुपयोगसँगै मौलाउदो विद्युतीय अपराध न्युनिकरणलाई पनि उनले कार्ययोजनाको प्राथमिकतामा राखेका छन् । यी कार्ययोजना कार्यन्वयनका लागि सचेतनामुलक कार्यक्रम र प्रहरी परिचालन गर्ने उनको रणनिनि छ । यति कार्यक्रम कार्यन्वयन गर्दा समग्र जिल्लाको शान्ति सुरक्षा राम्रो हुने उनले दावी गरे ।
कार्यक्रममा उपस्थित सञ्चारकर्मीहरुले जिल्लाको शान्तिसुरक्षा कायम गर्न, ट्राफिक सुब्यवस्था, कालोबजारी नियन्त्रण, अपराध नियन्त्रण जस्ता कार्यमा क्रियाशिलता देखाउन सुझाव दिए ।
कार्यक्रममा प्रहरी निरीक्षक जगदिश रेग्मी, विष्णु विक, इलाका प्रहरी कार्यलय भोर्लेटारका प्रहरी निरीक्षक लक्ष्मण पचभैया, तिनपिप्लेका प्रहरी निरीक्षक वेद नारायाण श्रेष्ठ, भोटेओडारका प्रहरी निरीक्षक राजन प्रसाद तिमिल्सीना लगायतको उपस्थिती रहेको थियो ।
