लमजुङ । आमन्त्रित विभागीय टीम महेन्द्र पुलिस क्लब लमजुङ सदरमुकाम बेसीशहरमा जारी ३१ औं त्रिवेणी कप राष्ट्रब्यापी खुला नकआउट फुटबल प्रतियाेगिताबाट बाहिरिएकाे छ ।
बुधवार बेसीशहरकाे त्रिवेणी रंगशालामा भएकाे क्वार्टरफाइनल खेलमा लमजुङकाे लाङ्दीदेवी फुटबल क्लवसंग ट्राइबेकरमा पराजित भएपछि प्रहरीकाे विभागिय टिम प्रतियाेगिताबाट बाहिरिएकाे हाे ।
खेलकाे शुरूवातदेखि नै प्रहरीकाे टीम नाल्माकाे दबाबमा परेकाे थियाे । यद्यपी खेलकाे पहिलाे हापमा दुवै पक्ष गाेलरहित बराबरीमा राेकिए । नाल्माले पटक पटक माैका पाउँदा गाेल गर्न सकेन । दाेस्राे हापकाे २३ औं मिनेटमा पुलिसका उज्वल राइले प्रहरीका लागि पहिलाे गाेल गरेर अग्रता दिए । पुलिस क्लबका जर्सी नंं १४ का खेलाडी प्रविन थापाले डिबक्स बाहिरबाट दिएकाे पासलाइ जर्सी नंं १८ का विकासले लाङ्दीदेवीकाे पाेष्टतर्फ चार्ज गरे । उक्त बललाइ जर्सी नंं १६ का उज्वल राइले गाेलमा परिणत गरेपछि समर्थकहरूमा खुशीकाे लहर दाैडियाे ।
तर पुलिसकाे याे खुशी धेरैबेर टिक्न पाएन । खेलकाे ३७ औं मिनेटमा नाल्माका लागि जर्सी नंं १७ का दिपेश अाले मगरले टीमका लागि उत्कृष्ट गाेल गरेर खेललाइ बराबरीमा ल्याए । नाल्माले पाएकाे कर्नर किकलाइ सदुपयाेग गरेका उनले पुनः ४१ औं मिनेटमा अर्काे गाेल गरी टीमलाइ २–१ काे अग्रता दिलाए ।
खेल लाङ्दीदेवीले जित्नै लागेका बेला पुलिसले इन्जुरी समयमा अर्काे गाेल गरी खेललाइ पुनः बराबरीमा ल्यायाे । लगत्तै पुलिसले पाएकाे अर्काे कर्नर किकलाइ सदुपयाेग गर्दै जर्सी नं १६ का उज्वल राइले प्रहार गरेकाे बललाइ हेड गरी जर्सी नं. २ का हेमन्त श्रेष्ठले जाली मात्र चुमाएनन्, हारिसकेकाे खेललाइ पुनः बरबारीमा ल्याए ।
निर्धारित समयमा दुवै पक्ष २–२ गाेलकाे बराबरीमा राेकिएपछि ७ मिनेट अतिरिक्त समय थप गरियाे । साे अवधिमा दुवै पक्षले गाेल गर्न सकेनन्, फलतः खेल ट्राइबेकरमा गयाे । ट्राइबेकरमा शुरूमै पुलिसका उज्वल राइले गरेकाे प्रहार क्रसबारमा ठाेकिएर फर्केपछि पुलिसका लागि दुर्भाग्य सिद्ध भयाे । त्यसकै कारण पुलिस ५–४ ले पराजित हुँदै प्रतियाेगिताबाट बाहिरियाे ।
क्वाटरफाईनल कै अर्काे खेलमा निर्धारित र थप समय गोलरहित बराबरी खेलेपछिको टाइब्रेकरमा नवलपुरले सुन्दरबजार फुटवल क्लवलाई ४–३ गोल अन्तरले हरायाे । सुन्दरबजारका सन्तोष गुरुङ र सतिस सुवालको बल प्रहार नवलपुरका गोलरक्षक क्रिषल मोक्तानले रोकेपछि सुन्दरबजार स्तब्ध बन्याे ।
बिहीबारको पहिलो खेल सेमीफाइनल प्रवेशका लागि विभागीय टीम त्रिभुवन आर्मी र लालीगुराँस युवा क्लव भुजुङबीच बिहान ११ बजे हुनेछ । यस्तै, दोस्रो खेल एलजी एसोसिएन र बेंसीशहर युथ सोसाइटीबीच दिउँसो २ बजे हुने आयोजकले जनाएको छ ।
प्रतियाेगितामा प्रथम पुरस्कारकाे राशी ८ लाख छ । याे राशी गण्डकी प्रदेशमै दाेस्राे ठुलाे धनराशीकाे पुरस्कार हाे ।
प्रतियाेगिताकाे उपविजेताले नगद ४ लाख र सेमीफाइनल पुग्ने दुई टीमले नगद १\१ लाख पुरस्कार पाउने छन् । सर्वोकृष्ट खेलाडी र सर्वाधिक गोलकर्ताले नगद २०\२० हजार पाउने छन् । फाईनल खेल २१ गते हुनेछ ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
