नागरिकता विधेयक र रेशम चाैधरीकाे आममाफीकाे विराेधमा राष्ट्रिय युवा संघ र अनेरास्ववियु लमजुङले बेसीसहर बजारमा राँके जुलुस प्रदर्शन गरेकाे छ ।
विवादास्पद नागरिकता विधेयक पारित गरेर राष्ट्रपति रामचन्द्र पाैडेलले राष्ट्रघाति काम गरेकाे युवा संघ र अनेरास्ववियुले जनाएकाे छ ।
नेकपा एमाले पार्टी कार्यालय परिसरबाट शुक्रबार साँझ निस्किएको राँके जुलुस सुरक्षाकर्मीलाई छक्काउँदै शेराबजार पुगेर काेणसभामा परिणत भएकाे थियाे ।
युवा संघका जिल्ला अध्यक्ष योगबहादुर गुरुङ (कालु)को अध्यक्षतामा भएको कोणसभामा संघका निवर्तमान केन्द्रीय सचिव गोविन्द बस्नेतले राष्ट्रियताका पक्षधर सबै एकजुट हुनुपर्ने धारणा राखे । राष्ट्रियताकाे पक्षमा, सिमा सुरक्षामा नेपाली सुरक्षाकर्मीले नेतृत्व गरे युवासंघ साथ दिन तयार रहेकाे बताए ।
प्रहरी दाजुभाइको हत्या गरी तीनवटै तहको अदालतबाट समेत जन्मकैदको सजाय पाएका रेशम चौधरीलाई छुटाएको विरोधमा आयोजना गरिएको यो कार्यक्रममा हाम्रा विरुद्धमा तपाईलाई प्रयोग गर्न खोजिएको छ, त्यसप्रति सचेत रहेन सुरक्षाकर्मीलाई उनले सुझाव दिए । यसअघि ४० लाख भारतीयले नेपाली नागरिकता लिइसकेको र अबका दिनमा एक करोड भारतीयले नागरिकता लिएर नेपाली भूमिलाई भारतमा गाभ्ने प्रपञ्च भएको उनले दावी गरे ।
सो अवसरमा अनेरास्ववियुका निवर्तमान केन्द्रीय सचिव जुन तामाङले राष्ट्रियता माथिको खेलवाड सैह्य नहुने बताए । यो आन्दोलन सांकेतिक मात्र भएकाेले भोलिका दिनमा थप सशक्त हुने चेतावनी दिए । उनले वर्तमान गठबन्धन सरकार भारतीय दलालकाे रूपमा अघि बढेकाे आराेप लगाए ।
ओली नेतृत्वको सरकारले जारी गरेको नेपालको कालापानी लिपुलेक सहितको नक्सा फेरि गायब भएको, उल्टै भारतले लुम्बिनी कपिलवस्तु समे नक्सामा गाभ्नु र त्यसलाई प्रधानमन्त्री प्रचण्डले टुलुटुलु हेर्नु खेद जनक भएकाे आन्दाेलनपक्षले बताएकाे छ ।
कार्यक्रमको सञ्चालन युवा संघका जिल्ला सचिव प्रदीपजंग गुरूङले गरेका थिए ।
सो जुलुसमा भाग लिन लमजुङ क्याम्पस सुन्दरबजार, भोटेओडार लगायतका विभिन्न स्थानबाट पनि युवा संघ र अखिलका कार्यकर्ताहरू आएका थिए । दिउँसो ४ बजे निस्कने भनिएको जुलुस सुरक्षाकर्मीको कडा पहराका विच साँझ निस्केको थियो । उनीहरूले राष्ट्रियताका पक्षमा र सत्ता गठबन्धनका विरुद्ध नारा लगगाएका थिए ।
राँके जुलुसलाई रोक्नका लागि भारपुर प्रयास गरेको प्रहरी बलले कोणसभामा भने कुनै हस्तक्षेप गरेन ।
