लमजुङ । सत्तासीन र सत्ता बाहिर रहेकाे चार राजनीतिक दल मिलेर बनेकाे समाजवादी माेर्चाकाे लमजुङ संयाेजन समिति गठन भएकाे छ ।
माेर्चामा सम्मिलित नेकपा (माओवादी केन्द्र), नेकपा एकीकृत समाजवादी, जनता समाजवादी र विप्लव नेतृत्वको नेपाल कम्युनिस्ट पार्टीकाे बिहिबार सदरमुकाम बेसीसहरमा बसेकाे बैठकले समाजवादी मोर्चा जिल्ला संयाेजन समिति गठन गरि घोषणा गरेकाे हाे।
प्रत्येक दलबाट प्रमुखसहित दुई सदस्य रहनेगरि ८ सदस्यीय जिल्ला समिति बनाईएकाे छ । समितिकाे संयाेजकमा जनता समाजवादीका अध्यक्ष बलबहादुर राना रहेका छन् ।
सदस्यहरूमा नेकपा माओवादी केन्द्रका संयाेजक रामचन्द्र पाैडेल, सचिव सुनिल सुनार, नेकपा एकीकृत समाजवादीका अध्यक्ष रामबावु अधिकारी, सचिव जगदीश सेढाईँ, नेकपाका सचिव रविन्द्र नखाेला, सदस्य हर्कबहादुर सार्की र सदस्य सचिवमा जनता समाजवादीका सचिव सुरेश गुरूङ रहेका छन् ।
दलहरुबीच समाजवादी मोर्चाको नेतृत्व चार/चार महिनाकाे फरकमा आलोपालो गर्ने सहमति छ ।
बिहिबार नेकपा माओवादी केन्द्रकाे कार्यालयमा भएकाे घाेषणा कार्यक्रममा बाेल्दै माओवादी केन्द्रकाे केन्द्रीय सदस्य तथा जिल्ला ईन्चार्ज आशा काेईरालाले नेपाली मौलिकता सहितको समाजवाद स्थापना गर्ने र नेपालको संविधानको रक्षा, कार्यान्वयन र विकास गर्ने, विभेदरहित समाज स्थापना गर्ने लक्ष्य सहित मोर्चा गठन गरिएको बताईन्।
संघीय लोकतान्त्रिक गणतन्त्रको रक्षा र सुदृढीकरण गर्दै नेपाली समाजवादको बाटो तय गर्ने, वर्गीय तथा क्षेत्रीय विभेदको अन्त्य गर्ने, जनताको नागरिक तथा आर्थिक अधिकारको संरक्षण, वित्तीय एकाधिकार तथा दलाल पूँजीवादी अर्थव्यवस्थाको विकल्पमा समाजवादी अर्थतन्त्रको आधार तयार पार्ने मोर्चाको उद्देश्य रहेको उनले बताईन।
नेकपा एकीकृत समाजवादीका जिल्ला अध्यक्ष रामबावु अधिकारीले जिल्लामा भैरहेका विकास निर्माणलाई तदारूकता दिने, ढिलासुस्तीकाे अन्त्य गर्ने, समाजवादउन्मुख अर्थब्यवस्था निर्माणकाे आधार स्थापना गर्ने कार्यहरू माेर्चाले अघि बढाउने दावी गरे ।
माओवादी केन्द्रका संयाेजक रामचन्द्र पाैडेलले जिल्लामा सञ्चालन भैरहेका ठुला आयाेजनामा देखिएका समस्याबारे जानकार रहेकाे र त्यसकाे समाधानमा माेर्चा र पार्टीकाे तर्फबाट समझदारीकाे प्रयास गर्ने बताए ।
दशैं तिहारलगायतका चाडपर्वकाे अबसरमा शुभकामना आदानप्रदान कार्यक्रम आयाेजना गर्ने र मंसिर महिना भित्र बृहत अन्तर्कृया कार्यक्रम गर्ने माेर्चाले निर्णय गरेकाे संयाेजक बलबहादुर रानाले जानकारी दिए ।
माेर्चाले ईजरायलकाे गाजामा भएकाे हमास विद्राेहीकाे आक्रमणका मृत्यु भएका नेपाली बिद्यार्थीलाई श्रद्धाञ्जली र घाईते तथा बेपत्ताको स्वास्थ्यलाभकाे कामना गरेकाे छ । घाईते र बेपत्ताकाे खाेजी तथा उद्दारमा सरकारकाे प्रयत्न सफल रहने माेर्चाले विश्वास लिएकाे छ ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
