लमजुङ प्रहरीले सदरमुकाम बेसीशहरका विभिन्न होटलमा अनैतिक क्रियाकलापमा संलग्न रहेकाे आराेपमा होटल संचालकसहित ५ जनालाई पक्राउ गरेको छ ।
बेसीशहर नपा – ८ स्थित होटल हिमशिखर र ताप्लेजुङ तोङ्वा एण्ड सेकुवा कर्नरबाट संचालक सहित युवतीहरु पक्राउ परेका हुन ।
होटलमा अनैतिक क्रियाकलाप हुने गरेको सूचनाका आधारमा जिल्ला प्रहरी कार्यालयको विशेष टोलीले आईतबार गरेको सर्च अपरेशनका क्रममा ५ जना युवतीलाई पक्राउ गरेको लमजुङका प्रहरी प्रमुख डिएसपी प्रकाश श्रीमलले बताए ।
युवती र होटल संचालक महिलाहरुले खाजा खान आउने ग्राहकहरुसँग वार्गेनिङ गरि अनैतिक क्रियाकलाप गर्ने गरेको पाईएको प्रहरीले जनाएको छ ।
पक्राउ परेका युवतीहरुलाई सार्वजनिक हित, स्वास्थ्य, सुरक्षा, सुविधा र नैतिकताको कसूरमा अनुसन्धान सुरु गरिएको प्रहरी निरीक्षक जगदीश रेग्मीले बताए ।
पक्राउ परेका होटल संचालक र युवतीहरुलाई जिल्ला प्रशासन कार्यालयबाट सात दिनको म्याद थप गरी थप अनुसन्धान सुरू गरिएको जिल्ला प्रहरी कार्यालय लमजुङले जनाएको छ ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
