लमजुङ । जेठ २२ गते अथार्त जुन ५ मा विश्व वातावरण दिवस । साेही दिनकाे अबसरमा मर्स्याङ्दी गाउँपालिकाले ‘सफा मर्स्याङ्दी’ अभियान सञ्चालन गर्ने भएको छ ।
साे दिन विहान ८ बजेदेखि १० बजेसम्म गाउँपालिकाका सवै गाउँटोल, बस्ती, बाटोघाटो सरसफाई गरिने भएको छ । सफा मर्स्याङ्दी अभियानलाई सफल पार्न गाउँपालिकाले सवै जनप्रतिनिधी, कर्मचारी, शिक्षक, विद्यार्थी, विभिन्न संघसंस्थामा आवद्ध व्यक्तित्वहरु, सामाजिक क्षेत्रमा संलग्न सम्पूर्णलाई अभियानमा सहभागी हुन अनुरोध गरेको छ ।
अभियानमा गाउँपालिकाको हरेक टोल बस्तीहरु, संघ संस्थाहरु वरपर, सार्वजनिक स्थलहरु र खोलाहरुको सरसफाई गरिने गाउँपालिका अध्यक्ष अर्जुन गुरूङले बताए । कार्यक्रमलाई सफल र प्रभावकारी बनाउन आ–आफ्नो पायक पर्ने स्थानमा सहभागी हुन सवै जनप्रतिनिधी, कर्मचारी, शिक्षक, विद्यार्थी, विभिन्न संघसंस्थामा आवद्ध व्यक्तित्वहरु, सामाजिक क्षेत्रमा संलग्न सम्पूर्णलाई अनुरोध गरिएकाे अध्यक्ष गुरूङले बताए ।
यसै सन्दर्भमा जेष्ठ २४ गते विहान मर्स्याङ्दी गाउँपालिका ३ खुदी बजार, दिउँसो १ बजे मर्स्याङ्दी गाउँपालिका ७ ङादी बजार र जेठ २५ गते बिहान मर्स्याङ्दी गाउँपालिका ४, जगतबजारमा फोहोरमैला व्यवस्थापन सम्बन्धमा स्थानीयसंग बहस कार्यक्रमको आयोजना गरिने छ । कार्यक्रमकाे रेडियाे मर्स्याङ्दीबाट प्रत्यक्ष प्रशारण गरिने भएकाेछ ।
गाउँपालिकाले २०७६ असोजदेखि फाेहाेर संकलन अभियान सञ्चालन गरि जथाभावी फोहर फाल्न बन्देज लगाएको थियो ।
त्यतिबेलादेखि मर्स्याङ्दी नदीलाई केन्द्रमा राखेर सफा मस्र्याङ्दी अभियान सुरु गरिएकोमा अहिले गाउँपालिकालाई नै सफा बनाउने अभियानमा गाउँपालिका जुटेको अध्यक्ष गुरुङले बताए ।
मर्स्याङ्दी गाउँपालिकाले फोहर जथाभावि नफाल्न गाउँगाउँमा डस्टवीनको व्यवस्थापन गरेको छ । फोहर संकलन गरेर प्रशोधन कार्यसमेत गरिरहेको गाउँपालिकाले जनाएको छ । यसका लागि गाउँपालिकाले आफैं ट्याक्टर खरिद गरेर फाेहाेर संकलन क्यालेन्डर बनाएर गाउँगाउँबाट फोहर संकलन गर्दै आएको छ ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
