लमजुङ । संविधान सभा सदस्य जमिन्द्रमान घलेले शिक्षा क्षेत्रकाे विकासमा नयाँ प्रतिफल खाेज्ने हाे भने नयाँ साेंच र कार्य अघि बढाउनुपर्ने बताएका छन् ।
मर्स्याङ्दी-३ खुदीस्थित अमर माविकाे ५६ अाैं बार्षिकउत्सव तथा अभिभावक दिवसकाे उद्घाटन गर्दै उनले यस्ताे धारणा राखेका हुन् । लगनशिल विद्यार्थी, समर्पित शिक्षक र चेतनशील अभिभावक भएमा विद्यालय शिक्षामा सुधार ल्याउन सकिने उनले बताए ।
हाम्राे शिक्षा प्रणालीप्रति गम्भीर समीक्षा गर्न जरूरी रहेकाे उनले बताए । अमर माविमा १० वर्ष पहिले नै क्याम्पस स्थापना गर्ने भनेपनि सरकारी अड्चनकै कारण त्याे पूरा हुन नसकेकाे उनले बताए । अमर माविमा अब तहवृद्वि भन्दा भैरहेकाे तहलाई स्तरवृद्वि र गुणस्तरीय बनाउनेतर्फ लाग्नुपर्ने उनले बताए । प्राविधिक धारकाे कक्षा सञ्चालनमा लाग्नु उपयुक्त हुने उनकाे भनाई थियाे ।
गाउँपालिकाका अध्यक्ष अर्जुन गुरूङले शिक्षा क्षेत्रकाे विकासका लागि एक शुत्रिय अभियानमा लाग्ने प्रण गरे । उनले अाफ्नाे अघिल्लाे कार्यकालकाे अबधिमा पनि सिकाई उपलब्धिमा बृद्वि भएकाे बताए । उनले भने, `तर यत्तिले हामी खुसि छैनाै । अझै शिक्षामा स्तरवृद्वि गर्नका लागि हामी तल्लिन छाै । हामी एक सुत्रिय अभियानकाे रूपमा शिक्षाकाे सुधारमा लाग्ने प्रण गर्दछाैं । शिक्षा विना पालिकाेकाे विकास असम्भव छ । शिक्षा राम्राे हुँदा नै राम्रा र ब्यवसायिक ब्यक्तिकाे उत्पादन हुनेछ । हामी सबै मिलेर बिद्यालय सुधारमा लाग्नुपर्छ ।´
विद्यालय व्यवस्थापन समितिका अध्यक्ष जितबहादुर गुरुङको अध्यक्षतामा भएको कार्यक्रममा प्रधानाध्यापक तिर्थबहादुर बस्नेतले बार्षिक प्रतिवेदन र लेखापाल पूर्णबहादुर थापाले आर्थिक प्रतिवेदन प्रस्तुत गरेका थिए ।
कार्यक्रममा मस्र्याङ्दी गाउँपालिका-३ का वडाध्यक्ष दूधमान तामाङ, मस्र्याङदी गाउँपालिका शिक्षा शाखा प्रमुख राजिव सुवर्णकार, पूर्व वडाध्यक्ष एवं विद्यालयका पूर्व प्रधानाध्यापक प्रेमबहादुर बस्नेत, प्रभात शान्तिपूर्ण माध्यमिक विद्यालयका प्रधानाध्यापक कृष्णप्रसाद घिमिरेलगायतले मन्तब्य राखेका थिए ।
कार्यक्रममा मर्स्याङदी गाउँपालिका उपाध्यक्ष जुनामाया थापा, विद्यालयका संस्थापकहरु, जग्गादाताहरु, चन्दादाताहरु, छिमेकी विद्यालयका प्रअ र शिक्षक प्रतिनिधिहरु, अभिभावक, शिक्षक, विद्यार्थीको उपस्थिति थियो ।
कार्यक्रममा विद्यालयका १ देखि १२ कक्षा सम्मका विद्यार्थीको साँस्कृतिक प्रस्तुति रहेको थियो । यस्तै, धनेश्वर प्रावि, कमला प्रावि, पञ्चविचार र सूर्यज्योति प्रातिवको विद्यालया नाँच प्रस्ततु गरेका थिए ।
कार्यक्रममा जिल्ला समन्वय समिति लमजुङका सदस्य बबिता मजाकोटीले स्वागत मन्तब्य राखेकि थिईन भने कार्यक्रमको सञ्चालन शिक्षक देवेन्द्रराज भण्डारी र ज्ञानीमाया नखोलाले गरेका थिए ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
