लमजुङको मर्स्याङदी गाउँपालिकामा पुस २६ गतेदेखि शैक्षिक महोत्सव २०७९ हुने भएको छ । मर्स्याङदी नगरपालिका वडा नंं ३ खुदीस्थित अमर माध्यमिक विद्यालयमा शैक्षिक प्रर्दशनीसहित पालिकस्तरिय शैक्षिक महोत्सव हुने भएको हो ।
मर्स्याङदी गाउँपालिकाको आयोजनामा हुने शैक्षिक महोत्सव पुस २६ गते देखि माघ २ गते सम्म सञ्चालन हुनेछ । शैक्षिक गुणस्तर वृद्धिसँगै अतिरिक्त क्रियाकलापमा विद्यार्थी र शिक्षकलाई क्रियाशिल बनाउन आयोजना गर्न लागिएको शैक्षिक महोत्सवमा विभिन्न राजनितिक दलहरु, विद्यार्थी, शिक्षक, अभिभावकहरुबाट गाउँपालिकाको शैक्षिक विकासको निम्ति कार्यपत्र प्रस्तुत सँगै विद्यार्थी, शिक्षक र अभिभावकहरुको छुट्टाछुट्टै उत्प्रेरणा दिने खालका कार्यक्रमहरु हुने भएको छ ।
सात दिन सम्म सञ्चालन हुने महोत्सवको पहिलो दिन पुस २६ गते उद्घाटन समारोह, शुभकामना मन्तव्य, कार्यपत्र प्रस्तुत, विद्यार्थीद्धारा निर्मित शैक्षिक सामाग्री प्रदर्शनी, विद्यार्थीहरुको सास्कृतिक प्रस्तुती रहनेछ ।
पुस २७ गते बुधवार शिक्षक तथा विद्यालय व्यवस्थापन समितिका मोटिभेसन प्रोगाम, २८ गते विहिबार कक्षा ८, ९, १० र १२ का अभिभावकहरु लक्षित कार्यक्रम र २९ गते विद्यार्थी लक्षित मोटिभेसन कार्यक्रम हुने भएको छ ।
शैक्षिक महोत्सवको पाँचौ दिन पुस ३० गते शनिवार मस्र्याङदी कप, मावि स्तरिय छात्रछात्रा दौड प्रतियोगिता, ज्याब्लिङ थ्रो, सटफुट, हाईजम्प, लङ जम्प, प्राविस्तरिय छात्रछात्रा गणित दौड प्रतियोगिता हुने भएको छ ।
यसैगरी माघ १ गते मावि स्तरिय छात्रछात्रा भलिबल प्रतियोतियोगिता र भुलभुले खेलमैदानमा आधारभूत विद्यालय स्तरिय फुटबल प्रतियोगिता हुने शिक्षा शाखाले जनाएको छ ।
शैक्षिक महोत्सवको अन्तिम दिन माघ २ गते भलिबल, फुटबल प्रतियोगिताको फाइनल खेल, पुरस्कार वितरण तथा समापन कार्यक्रम हुने कार्यतालिका रहेको छ ।
महाेत्सवले पालिकाकाे शैक्षिक स्तरबृद्विका लागि महत्त्वपूर्ण भुमिका खेल्ने गाउँपालिकाका अध्यक्ष अर्जुन गुरूङले बताए । शिक्षाकाे गुणस्तर र सिकाई उपलब्धि बढाउन पालिकाले हरप्रकारकाे प्रयास गरिरहेकाे उनले बताए ।
महाेत्सवकाे कार्यक्रम तालिका :
