लमजुङको राईनास नगरपालिकाका प्रमुख प्रशासकीय अधिकृत गाेकर्णराज सुयलले आफुँले चढ्दै आएकाे गाडी किसानकाे दूध ढुवानी गर्न दिएका छन् ।
राईनास नगरपालिकामा आएदेखि रचनात्मक काम गर्दै आएका प्रमुख प्रशासकीय सुयलले किसानकाे समस्यालाई मध्यनजर गर्दै आफुँले प्रयाेग गर्ने गाडी दूध ढुवानी गर्न दिएका हुन ।
सवारी साधानको अभावमा कृषकको घरदेखि चिस्यान केन्द्रसम्म दैनिकरुपमा दुध ढुवानी गर्न समस्या हुँदै आएकाे थियाे ।
सवारी साधान नभएकाले समयमा ढुध ढुवानी गर्न नसक्दा संकलन तथा वितरणमा थप समस्या भएको कारण टाटा जेनन ३५७ नम्बरको पिकअप भ्यान दुध ढुवानी गर्ने प्रयोजनका लागि उपलब्ध गराएको प्रमुख प्रशासकीय अधिकृत सुयँलले बताए। नेपाल सरकारको पूर्ण स्वामित्व रहेको दुग्ध विकास संस्थान काठमाडौं दुग्ध वितरण आयोजना अन्तर्गत राईनास नगरपालिका ५ तीनपिप्लेमा २०७८ मा राईनास दुध चिस्याउने केन्द्र स्थापना भएको हो।
सो केन्द्रमा राईनासको बोराङखोला, साँहिलीटार, हर्राबोट, धमिलिकुवा लगायतका स्थानबाट दैनिक दुध ढुवानी गरेर चिस्यान केन्द्रसम्म पुर्याइन्छ। दैनिक झण्डै हजार लिटर दुध संकलन हुने गरेको बताईएको छ। संकलित दुध दुग्ध विकास संस्थानले बजारीकरण गर्दै आएको छ।
दुध ढुवानीका लागि छुट्टै सवारी साधान नभएकाले नगरपालिका खरिद गर्ने प्रकृयामा रहेको नगरप्रमुख खड्गबहादुर गुरुङले बताए । नगरपालिका र स्थानीय जनविकास सहकारी संस्था विचको साझेदारीमा सवारी साधान खरिद गरिने उनको भनाई छ।
नगरपालिकाले किसानहरूकाे हाैसलाका लागि प्रतिलिटरमा ३ रुपैयाँका दरले उत्पादनमा आधारित अनुदान उपलब्ध गराएको नगर उपप्रमुख पुष्प खनालले बताए । आगामी दिनमा अनुदान रकम बढाईने उनले बताए ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
